بایدن بیلن ناتانیاهو اوزارا سوزلشوو اوتکزدی

امریکا قوشمه ایالتلری دولت باشلیغی جو بایدن بیلن اسرائیل باش وزیری بنیامین ناتانیاهو تیلفون آرقه لی سوزلشوو اوتکزدی.

آق اوی تامانیدن بیریلگن بیاناتگه کوره، ایککی دولت اربابی اسرائیل بیلن حماس اورته سیده گی اسیر المه شووی بوییچه مذاکره لرنی تیلگه آلرکن بایدن برچه اسیرلرنینگ اینگ قیسقه مدت ایچیده آزاد ایتیلیشی اوچون اورونیش آلیب باره جکلرینی قید ایتگن.

جو بایدن خوددی شو سوزلشووده اسرائیل نینگ رفح شهریده تینچ اهالی نینگ خوفسیزلیگی نینگ اورنه تیلیشی بوییچه قبول ایتیله دیگن و عملی بوله دیگن بیر پلان بولمه گن تقدیرده هجوم اویوشتیرمسلیگی کیره ک لیگینی تاکییدله گن.

غزه گه قول اورگن هجوملری و اشغالی بیلن اون مینگلب تینچ اهالینی اولدیرگن اسرائیل منطقه نینگ شمال و اورته تامانلریده گی نفوس نینگ بویوک قسمینی مصر چیگره سیده جایلشگن رفح شهریگه بدرغه قیلدی.

اسرائیل بو هجوملرده شمالده گیلر اوچون "خوفسیز" دیب اعلان قیلگن جنوب منطقه سینی خوددی شو شکلده ییردن اشغال ایتیب آلیش و نفوس نی بو جایدن بدرغه قیلیب چیقرماقچی.

رفح ده 1 میلیون 400 مینگ اطرافیده تینچ اهالی بدرغه بولیب سیغینگن وضعیتده.

خلق ارا همجمعیت اسرائیل نی رفح گه قره ته کینگ بیر هجوم گه قول اورگن تقدیرده ینگی بیر بویوک بحرانگه آلیب باریشی خصوصیده آگاهلنتیرماقده.

اسرائیل اردوسی تامانیدن 7 اکتوبردن بیری آلیب باریلگن هجوملریده قریب 30 مینگ فلسطینلیک جان بیردی.