سوریه ده تورکیه قوراللی کوچلری گه هجوم اویوشتیرماقچی بولگن بیر نفر ترورچی اوشلندی
اوشبو ترورچی تورکیه استخبارات اداره سی نینگ همکارلیگی بیلن اوشلنگن
تورکیه قوراللی کوچلری و سوریه ملی اردوسی کوچلری گه قرشی هجوم اویوشتیریش اوچون تیارگرلیک اوتکزیاتگن بولووچی ترور تشکیلاتی پ.ک.ک/وای پی جی اعضاسی ترورچی احمد الحاج عمر, تورکیه جمهوریتی ملی استخبارات اداره سی نینگ همکارلیگی بیلن اوشلندی.
خوفسیزلیک منبع لری, اوشبو ترورچی نینگ میلادی 2022- و 2023- ییل لر آره سیده منبج و تیگره گیده قول بیلن تیارلنگن بمب انتقال ایتدیرگن لیگی نینگ انیقلنگن لیگینی بیلدیردی.
تورکیه قوراللی کوچلری تامانیدن تروریست لردن تصفیه ایتیلگن منطقه لرده, تورکیه قوراللی کوچلری و سوریه ملی اردوسی کوچلری گه قره ته هجوم اویوشتیریش اوچون تیارگرلیک اوتکزیاتگن لیگی بیلدیریلگن اوشبو ترورچی, تورکیه ملی استخبارات اداره سی نینگ استخباراتی همکارلیگی بیلن سوریه اوتکینچی حکومتی گه باغلیق پولیس کوچی تامانیدن اوشلندی.
ترورچی نینگ اوییدن, بمبی هجوم لرده استفاده ایتیله دیگن ریموت کنتروللی منفجره مواد تاپیلدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی