امریکا قوشمه ایالتلری بیلن انگلستان کوچلری یمن نینگ حدیده شهریگه هوا هجومی اویوشتیردی

یمن ده گی ایران قوللب – قوتلاوچی حوثیلر، امریکا قوشمه ایالتلری بیلن انگلستان تامانیدن اولکه نینگ غربیده جایلشگن حدیده شهریگه 2 مرته هوا هجومی اویوشتیریلگن لیگی بیلدیریلدی.

حوثیلرگه باغلیق المسیره کانالی، امریکا قوشمه ایالتلری بیلن انگلستان گه باغلیق حربی اوچاقلری نینگ حدیده شهریده جایلشگن راس عیسی منطقه سیگه 2 مرته هوا هجومی اویوشتیرگن لیگی معلوم قیلیندی.

قیزیل دینگیز قیرغاغیده اورین آلگن حدیده شهری، حوثیلرنینگ کنترولی آستیده گی مهم شهرلردن بیرته سی ایتیب سنله دی.

حوثیلر توناون کونی قیزیل دینگیزده بیرته امریکا قوشمه ایالتلری بیرته انگلستان کیمه سینی دینگیز راکتلری بیلن نشان آلیب اورگن لیکلرینی بیلدیرگندی.

ایران قوللب – قوتلاوچی حوثیلر اسرائیل نینگ غزه ده گی هجوملریگه جواب بیریش اوچون 31 اکتوبرده یمن دینگیز ساحه سیده اسرائیللیک شرکتلرگه باغلیق تجاری کیمه لرنی قولگه آلیش گه بعضی بیرته لریگه ایسه درون و راکتلر آرقه لی هجوملر اویوشتیریش گه باشله گندی.

امریکا قوشمه ایالتلری حربی کوچلری بو جریانده انچه مرته یمن دن آتیلگن راکت و کمیکازه درونلرنی اروب توشیرگن لیگینی بیلدیردی.

حوثیلرنینگ هجوملری نینگ آرتیدن کوپلب کیمه چیلیک شرکتی، قیزیل دینگیزده گی سفرلرینی توخته تیب قویدی.

گلوبال تجارت نینگ قریب 12 فایزی اورته ییر دینگیزینی قیزیل دینگیزگه باغلب اروپا بیلن آسیا اورته سیده گی اینگ قیسقه یول نی سویش کانالی آرقه لی تشکیل بیره دی.