یمن و امریکالیک ییتکچیلر اوزارا اوچره شوو اوتکزدی

یمن جمهور رئیسلیک کینگش باشلیغی رشاد العلیمی بیلن امریکا قوشمه ایالتلری تشقی ایشلر وزیرلیگی یقین شرق ایشلریدن مسؤل بربره لیاف یمن نینگ بیر بولیمی نینگ کنترولی قولیده بولگن حوثیلرنینگ قیزیق دینگیز و عدن کورفزیده گی هجوملرینی تیلگه آلدی.

یمن رسمی خبر آژانسی صبا خبر بیریشیچه، العلیمی بیلن لیاف نینگ سعودی عربستان نینگ پایتختی ریاض ده اوچره شگن خوددی شو جلسه گه یمن تشقی ایشلر وزیری عواد بن مبارک هم قتنشگن.

اوچره شووده حوثیلرنینگ قیزیل دینگیز و عدن کورفزیده گی خلق ارا ترانسپورت کیمه لریگه قره ته اویوشتیرگن هجوملری بیلن دنیا مقیاسیده اینگ بویوک انسانی بحرانلردن بیرته سی یوزبیرگن یمن ده تینچ اهالی نینگ حیات شرطلری اوستیده باش قاتیریلگن لیگی بیلدیریلدی.  

"ملاقاتده العلیمی نینگ " حوثیلر و علاقه لی ترور تشکیلاتلریگه ایران قوراللری نینگ و فندلری نینگ ییتکیزیلیشی نینگ خلق ارا تینچلیک و خوفسیزلیک جهتیدن خطر تشکیل ایتگن لیگی" توغریسیده آگاهلنتیرگن لیگی قید ایتیلدی.