امریکا قوشمه ایالتلری ایران قوللب – قوتلاوچی گروپلرگه قره ته هجوم اویوشتیریش گه دوام ایته دی

امریکا قوشمه ایالتلری ملی خوفسیزلیک مصلحتچیسی جیک سالیوان یقین شرقده گی ایران قوللب – قوتلاوچی گروپلرگه قره ته کوپراق هجوم اویوشتیریش نی ریجه له گن لیکلرینی ایتدی.

امریکا قوشمه ایالتلری بیلن انگلستان تامانیدن آلدینگی کیچه وقتی یمن ده جایلشگن حوثیلرگه قره ته اویوشتیریلگن هوا هجوملری نینگ آرتیدن امریکا قوشمه ایالتلری ملی خوفسیزلیک مصلحتچیسی جیک سالیوان موضوع بوییچه بیانات بیردی.

سالیوان امریکا قوشمه ایالتلری نینگ یقین شرق ده جایلشگن ایران قوللب - قوتلاوچی حوثیلرگه قره ته کوپراق هجوم اویوشتیریش نی ریجه له گن لیکلرینی افاده ایتدی.

سالیوان "کوچلریمیزگه هجوم اویوشتیریلگنده، انسانلریمیز اولدیریلگنده امریکا قوشمه ایالتلری نینگ جواب بیره جگی بوییچه انیق پیام ییتکیزیش گه دوام ایتیش اوچون قوشیمچه هجوملر اویوشتیریش نی هدفله ماقده میز." دیدی.

آلدینگی کیچه اویوشتیریلگن هجوم نینگ امریکا قوشمه ایالتلری نینگ عکس العملی نینگ سونگگی ایمس باشلنغیچی ایکن لیگینی معلوم قیلگن سالیوان، "بعضی بیرته لری کوریلگن بعضی بیرته لری کوریلمه گن کوپلب عکس العمل کوره دی. بونی آچیق بیر عسکری حمله دیب ایتمه یمن" دیدی.

امریکا قوشمه ایالتلری مدافعه وزیرلیگی تامانیدن بیریلگن بیاناتده، آلدینگی کیچه وقتی یمن ده 13 منطقه ده 36 نقطه گه هجوم اویوشتیریلگن لیگی بیلدیریلگندی.