علی اف: آذربایجان اردوغان نینگ همکارلیگینی ایسدن چیقرمه یدی

آذربایجان جمهوررئیسی الهام علی اف, اولکه سی نینگ هر قنده ی جدی بیر مسئله گه دوچ کیلیب قالگنده بیرینچی بولیب تورکیه جمهوریتی جمهوررئیسی رجب طیب اردوغان گه قونغیراق قیله دیگن لیگینی معلوم قیلدی. 

الهام علی اف, تلویزیون آرقه لی ایریم بیاناتلر بیردی.

ایکّینچی قره باغ اوروشی نینگ (میلادی 2020- ییل 27 - سپتامبر الی 10- نوامبر) دوام ایتیاتگن پیتده قیلگن تلفنی صحبت لری حقیده گپیرگن علی اف, تلفن آرقه لی اینگ کوپ جمهوررئیس اردوغان و روسیه جمهوررئیسی ولادیمیر پوتین بیلن سوزلشگن لیگینی بیلدیردی. 

علی اف, اردوغان نینگ اوروش نینگ دستلبکی کونیدن باشلب سونگّی کون گه قدر اولکه سی نینگ یانیده بولیب کیلگن لیگینی بیلدیرگن علی اف, "آذربایجان نینگ سیاسی و معنوی حمایت قیلینیشی بعضی تامان لر گه پیام بولدی.  بو, فقط گینه آذربایجان خلقی نی قوللب- قوتلش ایمس, عینی دمده اوروش گه اره لشماقچی بولگن لر گه 'اره لشمه نگ' شکلیده بیر پیام دن عبارت ایدی.  آذربایجان خلقی بونی هیچ قچان ایسدن چیقرمه یدی" دییه قید ایتدی. 

شوشا نینگ اشغال دن قوتقریلیشی آرتیدن اونگه بیرینچی بولیب قونغیراق قیلگن کیشی نینگ هم اردوغان بولگن لیگینی معلوم قیلگن علی اف, اوز سوزلرینی, "البته که حاضرگی کونده اولکه میز بیلن علاقه لی جدی بیر مسئله نینگ پیدا بولیشی تقدیرده بیرینچی بولیب قرداشیم رجب طیب اردوغان گه قونغیراق قیلیب معلومات بیره من" شکلیده دوام ایتدیردی.