تورکیه تشقی ایشلر وزیری قیرغزستان جمهوررئیسی تامانیدن قبول قیلیندی

قیرغزستان جمهوررئیسی صدر جباروف, رسمی بیر سفر بیلن پایتخت بیشکیککه تشریف بویورگن تورکیه جمهوریتی تشقی ایشلر وزیری خاقان فیدان نی قبول قیلدی. 

قیرغزستان جمهوررئیسلیک مطبوعات مرکزی تامانیدن بیریلگن بیاناتگه کوره, جباروف بیلن فیدان اورته سیده بولیب اوتگن اوچره شووده, ایکله اولکه نینگ کون ترتیبیده اورین آلگن ایریم موضوعلردن تشقری, ساغلیق نی سقلش, انرژی و اقتصاد سکتوری بیلن منطقه خوفسیزلیگی توغریسیده هم فکر المه شیلدی. 

عینی دمده اوچره شووده, تورکیه جمهوریتی جمهوررئیسی رجب طیب اردوغان نینگ قیرغزستان گه قیله دیگن رسمی سفری و بیشکیکده بولیب اوته دیگن یوقاری سویه لی ستراتیژیک همکارلیک کینگشی ییغیلیشی باره سیده هم سوز یوریتیلدی. 

جباروف, قیرغزستان بیلن تورکیه اورته سیده گی همکارلیک نینگ رواجله نیاتگن لیگی سببلی خرسندچیلیک بیلدیردی. 

اقتصادی همکارلیک حقیده بحث ایتگن جباروف, تورک- قیرغز حکومتلر ارا کمیسیون نینگ پایتخت انقره ده بولیب اوته دیگن ییغیلیشی نینگ مهم ایکن لیگینی معلوم قیلدی. 

فیدان مهماندوستلیگی سببلی قیرغزستان جمهوررئیسی گه منتدارچیلیک بیلدیررایکن, ایکله اولکه رهبر لری نینگ سعی و حرکت لری بیلن همکارلیک نینگ رواجلنتیریلیشی نینگ یخشی نتیجه بیرگن لیگینی بیلدیردی. 

عینی دمده فیدان قیرغزستان پارلمانی نینگ باشلیغی نورلانبیک شاکیف تامانیدن هم قبول قیلیندی. 

قیرغزستان پارلمانی ریاستی مطبوعات مرکزی تامانیدن بیریلگن بیاناتگه کوره, اوشبو اوچره شووده, ایکله اولکه اورته سیده سیاسی, اقتصادی و مدنی مناسبت لرنینگ کینگه یتیریلیشی بیلن پارلمان لر ارا همکارلیک نینگ رواجلنتیریلیشی حقیده سوز یوریتیلدی.