جاپان ده یوزبیرگن ییر سیلکینیشی طفیلی اولگنلر سانی 200 دن آشیب کیتدی

جاپان نینگ غربیده جایلشگن ایشیکاوا ایالتی و بو منطقه ده گی نوتو یریم آرالی قیرغاغیده یوزبیرگن ییر سیلکینیشلریده حیاتینی یوقاتگنلر سانی 203 نفرگه ییتدی.

جاری آی نینگ باشلریده جاپان ده ییر سیلکینیشلری یوزبیرگندی

ایشیکاوا ایالت والی لیگی تامانیدن بیریلگن بیاناتده، جاری آی نینگ ایلک کونلریده یوزبیرگن کوپلب ییر سیلکینیشیده حیاتینی یوقاتگنلر سانی نینگ 203 نفرگه ییتگن لیگی بیلدیریلدی.

بیریلگن بیاناتده، 22 ته ایریم منطقه ده 26 مینگدن آرتیق کیشی نینگ 400 ایریم نقطه لرگه جایلشتیریلگن لیگی خوددی شو ایالت مقیاسیده یاپیلیب قالگن یوللر طفیلی 3 مینگ 100 کیشی نینگ بند بولیب قالگن لیگی قید ایتیلدی.

منطقه مقیاسیده ییر سیلکینیشی طفیلی تورلی شکلده 566 کیشی نینگ یره لنگن لیگی بیلدیریلگن بیاناتده، لادرک بولگن 68 کیشی نینگ عاقبتی نامعلوم ایکن لیگی معلوم قیلیندی.

جاپان مدافعه وزیری کیهارا مینورو 6 مینگ 300 نفر مدافعه کوچلری پرسونلی نینگ منطقه ده گی قدیروو و قوتقروو فعالیتلریگه قتنشگن لیگینی بیلدیردی.

جاپان هواشناسلیک باشقرووی (JMA) خبر بیریشیچه، 1-5 جنوری اورته سیده ایشیکاوانینگ نوتو یریم آرالی و دینگیز ساحه سیده 5 الی 7 درجه ده کوپلب ییر سیلکینیشی یوزبیرگندی.