بنگلدیش ده یانغین یوزبیردی
اوشبو یانغین نینگ قاچقینلر کمپیده یوزبیرگن لیگی بیلدیریلدی
بنگلدیش نینگ کاکس بازار شهریده بیر کوچمنلر کمپیده یوزبیرگن یانغین عاقبتیده 7 مینگ نفر روهینگیالیک مسلمان اوی – جایسیز بولیب قالدی.
بنگلدیش ده کوپراغی 2017 ییلی میانمارده حربی عملیاتلردن قاچگن 1 میلیوندن آرتیق روهینگیالیک مسلمان گه میزبانلیک قیلگن کاکس بازار شهریده 5 نمره لی کمپده تیناون کونی کیچه یانغین یوزبیرگن.
یوزبیرگن اوشبو یانغین عاقبتیده 800 ته اوی – جای یانیب نینگ یانیب کیتگن لیگی قریب 7 مینگ روهینگیالیک مسلمان نینگ اوی – جایسیز قالگن لیگی بیلدیریلدی.
یانغین نینگ 3 ساعت کیین کنترول آستیگه آلینگن لیگی قید ایتیلدی.
بیرلشگن ملتلر تشکیلاتی قاچقینلر یوکسک کمیشنرلیگی (UNCHR) تامانیدن بیریلگن بیاناتده ایسه یانغیندن مسجد و ساغلیک مرکزی بیلن بیر قطارده قریب 120 ته بناگه زیان ییتگن لیگی معلوم قیلیندی.
یانغین نینگ سببی حلی گچه انیقلنمه گن لیگی شونده ی بولیب حکومت ییتکچیلری تامانیدن تیرگاو باشله تیلیشی توغریسیده تعهد بیریلگن لیگی افاده ایتیلدی.
کاکس بازارده 2021 ییلی یوزبیرگن یانغین عاقبتیده 15 کیشی حیاتینی یوقاتر ایکن 10 مینگدن آرتیق اوی – جای گه سلبی تاثیر قالدیرگندی.
اوتگن ییل یوزبیرگن یانغین حادثه سیده ایسه قریب 2 مینگ 800 ته اوی یانیب کیترکن 12 مینگ کیشی اوی – جایسیز قالگندی.
یانغینلرگه تیگیشلی آلیب باریلگن تیرگاوده حادثه لرنینگ آلدیندن ریجه لنگن لیگی یوزه گه چیققندی.
علاقه لی ینگی لیکلر
پروده یوزبیرگن بس حادثه سیده کوپلب کیشی جان بیردی
پروده یولاوچی بس بیلن یوک موتری نینگ توقنه شیب کیتگن لیگی بیلدیریلدی