آلمان ده بیر پولیس تامانیدن اولدیریلگن تورک نینگ جنازه مراسمی بولیب اوتدی

آلمان ده بیر پولیس تامانیدن اولدیریلگن تورک ایرتکین اوزقان مانهیم مرکز قبرستانیده دفن قیلیندی.

اوزقان اوچون سه شنبه کونی اویوشتیریلگن جنازه مراسمی گه کارلسروهه باش قونسلی محمود نیازی سیزگین قاله ویرسه یوزلب کیشی قتنشدی. جنازه مراسمی گه قتنشگن پولیس منسوبلری ایسه پولیس کییمی کیمه دی.

49 یاشیده گی اوزقان 23 دسامبر تاریخیده مانهایم-شوناوده پولیس تامانیدن آتیب اولدیریلگندی. ییتکچیلر اوزقان نینگ پولیس منسوبینی بیچاق بیلن تهدید ایتگن لیگینی بیلدیرگندی.

اولیم بیلن نتیجه لنگن حادثه نینگ آرتیدن آلمان پولیس باشقرووی نینگ «تاثیرسیز وضعیت گه کیلتیریش» شکلی اجتماعی ترماق آرقه لی کوچلی روشده قاره لندی. اجتماعی ترماق آرقه لی اوزقان نینگ اولدیریلیش تصویرینی اوز ایچیگه آلگن ویدیو ترقه تیلدی. اجتماعی ترماق ایشله تووچیلری پولیس نینگ اوزقان نی اولدیریش اورنیده یره لش یولی بیلن قولگه آلیشی ممکن لیگینی ایتماقده.

شونده ی بولیب مانهیم پولیس باشقرووی بیر سوالگه بناً پولیس منسوبلری نینگ حادثه نینگ آرتیدن شاهدلرنینگ قولیدن ویدیو تصویرلرنی اوچیریش اوچون اورونگن لیگی بوییچه ادعالر حقیده تیرگاو آلیب باره جکلرینی بیلدیردی.