مکرون نینگ غزه ده گی کاتولیک کلیساسی نینگ وضعیتی طفیلی خواطرده ایکن لیگی بیلدیریلدی

فرانسه جمهور باشلیغی ایمانوئیل مکرون نینگ اسرائیل تامانیدن هجوم اویوشتیریلگن غزه ده گی کاتولیک کلیسانینگ وضعیتی طفیلی خواطرده ایکن لیگی بیلدیریلدی.

الیزه سرایی تامانیدن بیریلگن بیاناتده، مکرون نینگ عیسوی عالمی نشانلش اوچون تیارلنگن کریسمیس آلدی لاتین باش دین ملازمی پیرباتیستا پیتزابالا بیلن تیلفون آرقه لی سوزلشوو اوتکزگن لیگی معلوم قیلیندی.

سوزلشووده مکرون اسرائیل عسکرلری تامانیدن 16 دسامبرده غزه ده گی مقدس عایله کاتولیک کلیساسی گه اویوشتیریلگن هجوم عاقبتیده حیاتینی یوقاتگن 2 نفر عیسوی اوچون باش ملازم گه قیغوداشلیک بیلدیرگن.

مکرون غزه ده اسرائیل نینگ هجوملریگه دوچ قالگن هر اعتقاددن یوزلب تینچ اهالی سیغینگن مقدس عایله کاتولیک کلیساسیده گی وضعیت طفیلی خواطرلرینی تیلگه آلگن.

فرانسه نینگ بیت المقدس باش قونللیگی آرقه لی آلیب بارگن عیسوی همجمعیتینی قوریقلش مسؤلیتی بوییچه تعهد قیلگن مکرون «تاریخی میراث» دیب اته گن بو مسؤلیت نینگ عیسوی همجمعیتی دوچ قالگن ریسکلرگه قرشی بوتونله ی بوینی گه آلگن لیگینی اورغوله گن.