چین ده اولگنلر سانی 148 کیشی گه ییتدی

چین نینگ گانسو ایالتیده یوزبیرگن 6،2 رشتر ییر سیلکینیش عاقبتیده اولگنلر سانی 148 کیشی گه ییتدی.

محلی باشقروو تامانیدن بیریلگن بیاناتگه کوره گانسو ایالتیده 117، قوشنی چینخای ایالتیده 31 کیشی جان بیردی.

شو بیلن اولگنلر سانی 148 کیشی گه ییتدی.

چین زلزله ترماقلری مرکزی 18 دسامبرده یریم کیچه مرکزی جیشیشان بائوآن دونشیانگ و سلر خودمختار تومنی بولمیش 6،2 رشتر ییر سیلکینیشی ییرنینگ 10 کیلومتر آستیده یوزبیرگن لیگینی بیلدیرگندی.

ییر سیلکینیشی طفیلی ایککی ایالت نینگ چیگره سی یقین منطقه ده انچه اوی نینگ ییقیلیب کیتگن لیگی، سوو و برق ترماقلری نینگ شونده ی بولیب ترانسپورت آست قوروشی بیلن علاقه ترماقلری گه زیان ییتگن لیگی قید ایتیلگندی.

عاقبتده 1 مینگدن آرتیق کیشی نینگ یره لنگن لیگی زیان ییتگن تورر جایلرده گی 87 مینگ کیشی نینگ خوفسیز منطقه لرگه انتقال بیریلگن لیگی معلوم قیلینگندی.

موسومی ساووق هوا تاثیر قالدیرگن منطقه ده هوا ایسّیقلیگی نینگ منفی 14 درجه بولگن لیگی طفیلی قیدیروو و قوتقروو اورونیشلری قیینچیلیک بیلن آلیب باریلماقده.

زلزله سبب بولگن ییر سیلجیشی عاقبتیده چینهای ایالتیده بیر قیشلاق نینگ یرمی توپراق آستیگه قالیب کیتگن.

مسلمانلر کوپچیلیک نی تشکیل بیرگن منطقه ده زلزله دن تاثیرلنگنلر ساووق قیش شرطلریده پناهگاه معماسی گه دوچ قالیشیدن خبر بیریلدی.

چین نینگ سینجار اویغور خودمختار منطقه سیده هم 5،5 رشتر ییر سیلکینیشی یوزبیرگندی.