چیک جمهوریتیده بیر کونلیک یاس ایتیب اعلان قیلیندی

چیک جمهوریتی جمهور باشلیغی پتر پاول و باش وزیر پتر فیالا پراگ ده جایلشگن کارلس عالی بیلیم یورتیده 14 کیشی اولگن و 25 کیشی یره لنگن قوراللی هجوم نی قتّیق قاره له دی.

جمهور باشلیغی پاول اجتماعی ترماق ایکس آرقه لی بیرگن بیاناتده عالی بیلیم یورتیده قول اوریلگن هجوم نینگ اوزینی دهشت گه چومگن لیگینی معلوم قیلیب هجوم عاقبتیده حیاتینی یوقاتگنلرنینگ عایله لریگه قیغوداشلیک بیلدیردی و یره لیلرگه عاجل شفا تیله دی.

پاول اویوشتیریلگن فوق العاده کابینه جلسه سی نینگ آرتیدن بیرگن بیاناتده هم 23 دسامبر کونی نینگ ملی یاس کونی ایتیب اعلان قیلینگن لیگینی، شونده ی بولیب رسمی اداره لرده گی بیراقلرنینگ یریم گه توشیریلیشینی و توش پیتلریده 1 دقیقه لیک حرمت توختاوی بولیب اوتیشیدن خبر بیردی.

پاول "بونچه یاش انسان نینگ حیاتینی یوقاتیشی طفیلی جوده قهر بولگن لیگیم نی بیلدیرماقچی من. چیک تاریخی نینگ اینگ تراژیدی حادثه سیده ضرر کورگنلرنینگ عایله لریگه و برچه گه یوراکدن قیغوداشلیک بیلدیره من" دیب ایتدی.

باش وزیر فیالا هم چیک جمهوریتی خلقی گه قره ته قیلگن صحبتیده هجوم نی تراژیدی ایتیب بهالندیریب حادثه نینگ برچه سلبی تاثیر قالدیرگن لیگینی ایتدی.

فیالا "بو قورقینچ حرکت نینگ هیچ بیر حقلی بهانه سی یوق دیر. سیزلر کبی مینگ هم بو جیرکنچ هجوم طفیلی چقور قیغوگه چومیلدیم و جیرکنه من" دیدی.

باش وزیر فیالا ینه بیر مرته هجوم عاقبتیده حیاتینی یوقاتگنلرنینگ عایله لریگه قیغوداشلیک بیلدیرگن لیگینی و یره لیلرگه عاجل شفا تیله گن لیگینی معلوم قیلدی.

پایتخت پراگ ده جایلشگن کارلس عالی بیلیم یورتی فلسفه فاکولته سیده اویوشتیریلگن قوراللی هجوم عاقبتیده کمیده 14 کیشی نینگ اولگن لیگی 25 کیشی نینگ یره لنگن لیگی بیلدیریلگندی.  

پایتخت پراگ امنیه قومندانی مارتین فوندراسیک بیرگن سونگگی بیاناتیده پراگ ده جایلشگن کارلس عالی بیلیم یورتی فلسفه فاکولته سیده اویوشتیریلگن قوراللی هجوم عاقبتیده کمیده 14 کیشی نینگ اولگن لیگینی 25 کیشی نینگ یره لنگن لیگینی بیلدیردی.