بلینکن اروپا اتفاقیدن بیر قطار کسبداشی بیلن سوزلشدی

امریکا قوشمه ایالتلری تشقی ایشلر وزیری انتونی بلینکن فرانسه، آلمان و انگلیس تشقی ایشلر وزیرلری بیلن اوتکزگن سوزلشوویده «مستقل بیر فلسطین دولتی» اوچون تعهدینی تکرارله دی.

امریکا قوشمه ایالتلری تشقی ایشلر وزیرلیگی تامانیدن موضوع بوییچه بیانات بیریلدی.

بیاناتده، بلینکن نینگ فرانسه تشقی ایشلر وزیری کترینه کولونا، آلمان تشقی ایشلر وزیری آنیلینا باربوک و انگلستان تشقی ایشلر وزیری داوید کمرون بیلن تیلفون سوزلشووی اوتگن لیگی بیلدیریلدی.

سوزلشووده بلینکن نینگ غزه ده انسانی یاردملرنینگ تیزده ییتکیزیب بیریلیشی، تینچ اهالی تلفاتلری نینگ اینگ آزگه توشیریلیشی و منطقه ده بحران نینگ تاباره کوپه یشی توسیق بولیش نینگ اهمیتی گه دقت تارتگن لیگی معلوم قیلیندی.

امریکا قوشمه ایالتلری نینگ مستقل بیر فلسطین دولتی قورولیشی اوچون تعهدینی تکرارله گن بلینکن نینگ قیزیل دینگیزده حوثیلرنینگ کیمه لرگه قره ته هجوملرینی قاره له گن لیگی و دینگیز خوفسیزلیگی توغریسیده همکارلیک چقیریغی قیلگن لیگی قید ایتیلدی.

وزیرلر اوشبو سوزلشووده اوکراین گه یاردملر موضوعینی هم تیلگه آلگن.