اردوغان بایدن بیلن سوزله شدی

تورکیه جمهوریتی جمهوررئیسی رجب طیب اردوغان, تلفن آرقه لی, امریکا قوشمه ایالتلری دولت رهبری جایدن بیلن سوزله شدی. 

صحبتده, اسرائیل نینگ فلسطین توپراق لری گه قره تیلگن هجوملری, تورکیه و امریکا اورته سیده گی مناسبتلر, سویدن نینگ ناتو اعضالیگی پروسه سی بیلن خلق ارا و منطقه مقیاسیده گی مسئله لر حقیده سوز یوریتیلدی. 

اردوغان اوشبو صحبتده, غزه ده گی یمان وضعیت نینگ زودلیک بیلن اداققه ییتیتیشی کیره ک ایکن لیگی, امریکا نینگ اسرائیل نی قاطعانه حماسی نینگ توخته تیلیشی نینگ آتشکیسین نی تیز تامین ایتیشی نینگ ممکن ایکن لیگی, دنیا و امریکا خلقی نینگ خوددی شوو جهتده گی طلب نی سونگّی کونلرده کوپراق مطرح قیلیاتگن لیگی و تیز وقتده آتشکیسین نینگ اورنه تیلیشی نینگ امریکا قوشمه ایالتلری نینگ تاریخی مسئولیتی دن عبارت ایکن لیگینی معلوم قیلدی. 

اردوغان, اسرائیل نینگ هجوملری نینگ دوام ایتیشی نینگ منطقه و خلق ارا مقیاسده منفی نتیجه لری بولیشی نینگ ممکن ایکن لیگی, تورکیه نینگ مطرح قیلیاتگن گرنتورلیک میکانیزمی دن استفاده ایتیلیشی, بیریلگن وعده لر گه وفا قیلینیشی و میلادی 1967- ییل چیگره لری گه ایگه مستقل و پایتختی بیت المقدس بولگن فلسطین دولتی نینگ قوریلیشی نینگ اینگ معقول و قالووچی ییچیم یولی دن عبارت ایکن لیگینی بیلدیردی. 

اوشبو صحبتده اردوغان و بایدن تورکیه گه اف – 16 اوروش اوچاغی تامین ایتیلیشی خصوصیده هم سوز یوریتدی.