قطر غزه گه ایللیک میلیون دالرلیک یاردم یوباره دی

قطر, 7- اوکتوبر دن بیری اسرائیل نینگ هجوملری نینگ دوام ایتیاتگن غزه نواری گه 50 میلیون دالرلیک بشری یاردم یوباریش گه قرار قیلدی. 

قطر تشقی ایشلر وزیرلیگی تامانیدن بیریلگن بیاناتده, اوشبو یاردم لردن, غزه ده مهاجر بولگن فلسطین لیک لرنینگ حیات شرایطی نینگ یخشی لشتیریلیشی اوچون استفاده ایتیله دیگن لیگی بیلدیریلدی. 

بیاناتده, قطرده گی خیریه موسسه لرنینگ 100 نفر فلسطینلیک یاش ییگیت گه اوقیش امکانیتی تامین ایتیب بیره دیگن لیگی معلوم قیلیندی. 

قطر تشقی ایشلر وزیرلیگی نینگ انترنت سایتی آرقه لی ترقه تیلگن سونگّی معلوماتگه کوره, قطر, غزه گه صحرا کسلخانه سی بیلن تقریباً 1500 تن طبی و غدایی مواد تامین ایتیب بیرگن. 

اسرائیل نینگ غزه نواری گه قره تیلگن هجوملریده 18 مینگ 608 نفر فلسطینلیک حیاتینی یوقاتدی. 

اسرائیل تامانی ایسه 7- اوکتوبردن بیری اویوشتیریلگن هجوم لر عاقبتیده 1200 نفر اسرائیللیک نینگ اولگن لیگی و 5 مینگ 132 کیشی نینگ ایسه یره لنگن لیگینی بیلدیردی.