روسیه نینگ اوکراینده گی اوروشی بیلن علاقه لی مهم بیر ادعا

روسیه نینگ, اوکراین اوروشی آلدی دن فعال بیر شکلده وظیفه اجرا قیلیاتگن حربی لری نینگ 87 فایزی نی قولدن بیریب قویگن لیگی ادعا ایتیلدی. 

سی ان ان نینگ, امریکا قوشمه ایالتلری استخباراتی نینگ کانگرس گه تقدیم ایتگن راپوری گه تینتیریب بیرگن خبریده, روسیه نینگ اوکراین اوروشیدن آلدینگی دور بیلن سالیشتیریلگنده حربی لری نینگ بویوک بیر قسمی نی قولدن بیریب قویگن لیگی معلوم قیلیندی. 

راپورده, روسیه نینگ اوروشدن آلدینگی فعال حربی لری نینگ 87 فایزی و تانک لری نینگ ایسه 3 دن بیر قسمی نی قولدن بیرگن لیگی بیلدیریلدی. 

روسیه نینگ اوکراین گه 360 مینگ عسکر بیلن کیرگن لیگی و بولر دن اجیر پرسونل داخل 315 مینگ نفری نی قولدن بیریب قویگن لیگی بیلدیریلگن راپورده, 3 مینگ 500 تانک دن 2 مینگ 200 ته سی نینگ, 13 مینگ 600 پیاده هجوم واسطه سیدن هم 4 مینگ 400 ته سی نینگ اوکراینده قولدن بیریلگن لیگی معلوم قیلیندی. 

راپورده, اوشبو وضعیت گه قره مسدن روسیه جمهوررئیسی ولادیمیر پوتین نینگ اوکراین گه هجوم بوییچه "قرارلی" ایکن لیگی و اوکراین نینگ روسیه گه قرشی جدی بیر موفقیت گه قولگه کیریته آلمه یدیگن لیگی بیلدیریلدی.