اوکراین اردوسی روسیه نینگ کیف گه بالستیک راکت بیلن هجوم اویوشتیرگن لیگینی بیلدیردی

اوکراین اردوسی, روسیه اردوسی نینگ بوگون ایرته لب پایتخت کیف گه بالستیک راکت بیلن هجوم اویوشتیرگن لیگینی بیلدیردی. 

اوکراین هوا کوچ لری قوماندان لیگی تامانیدن بیریلگن بیاناتده, روسیه اردوسی نینگ کیچه اوچووچیسیز اوچاق لر و بوگون ایرته لب ایسه بالستیک راکت بیلن هجوم اویوشتیرگن لیگی معلوم قیلیندی. 

روسیه نینگ 18 اوچووچیسیز اوچاغی نینگ انیقلنگن لیگی بیلدیریلگن بیاناتده, اکثریتی میکایلوف منطقه سیده اوشبو اوچاق لرنینگ همه سی نینگ یوق قیلینگن لیگی ایسله تیلدی. 

بیاناتده, بوگون ایرته لب محلی وقت بیلن ساعت 04.00 ده روس اردوسی نینگ کیف گه 8 بالستیک راکت آتگن لیگی بیلدیریلدی. 

عینی دمده بیاناتده, راکت لرنینگ همه سی نینگ اوکراین اردوسی تامانیدن کیف یقین لریده تاثیرسیز وضعیت گه کیلتیریلگن لیگی معلوم قیلیندی. 

کیف شهری حربی اداره سی باشلیغی سرگی کوپکو هم تلگرام آرقه لی بیرگن بیاناتیده, راکت پارچه لری نینگ کیف نینگ دارنیتسه تومنی گه توشیشی عاقبتیده 4 کیشی نینگ یره لنگن لیگی و اوی لرنینگ خساره مند بولگن لیگینی بیلدیردی.