تانزانیاده اولگنلر سانی 68 کیشی گه ییتدی

تانزانیاده یاغینگرچیلیک سبب بولگن سوو تاشقینی و ییر سیلجیشی عاقبتیده اولگنلر سانی 68 کیشی گه ییتدی.

محلی مطبوعاتده اورین آلگن خبرلرگه کوره اولکه نینگ شمالیده جایلشگن منیاره منطقه سیده کوچلی یاغینگرچیلیک عاقبتیده ییر سیلجیشی یوزبیرگن.

منیاره منطقه باشلیغی کوین سندیگا یاغینگرچیلیک سبب بولگن سوو تاشقینی و ییر سیلجیشی عاقبتیده تلفات سانی نینگ کوپه ییب کیتگن لیگینی بیلدیردی.

سندیگا سیل و ییر سیلجیشی حادثه لری عاقبتیده 68 کیشی نینگ حیاتینی یوقاتگن لیگینی افاده ایتدی.

منطقه ده گی برق توزوملری نینگ سوو تاشقینی و ییر سیلجیشی حادثه لری طفیلی انچه ضرر کورگن لیگینی قید ایتگن سندیگا منطقه ده قیدیروو و قوتقروو فعالیتلری نینگ دوام ایتیب تورگن لیگینی معلوم قیلدی.

افریقانینگ شرقیده اکتوبر آییدن بیری دوام ایتیب تورگن یاغینگرچیلیک عاقبتیده سومالیا، اتیوپیا و کنیاده اونلب کیشی حیاتینی یوقاتر ایکن مینگلب کیشی بدرغه بولیب قالگندی.