امریکالیک سناتور برنی سندرز اسرائیل نی تنقید قیلدی

امریکا قوشمه ایالتلری ورمانت سناتوری برنی سندرز, اسرائیل نینگ غزه گه قره تیلگن هجوملریده حماس نی هدف قیلیب آلرایکن, ملکی لر گه ضرر ییتکزیشی نینگ توغری بیر ایش ایمس لیگینی بیلدیردی. 

سندرز, نیویورک تایمز اوچون یازگن مقاله سیده, "اسرائیل بیرته گینه حماس نی یوق قیلیش اوچون برچه محله نی یوق قیلیش حقی گه ایگه ایمس" دییه قید ایترایکن, تل ابیب رهبریتی نینگ غزه گه قره تیلگن عملیات لرینی تنقید قیلدی.

دموکرات سناتور, اسرائیل نینگ اوشبو ایشیده قنچه لیک موفقیتلی ایکن لیگی توغریسیده "حاضرگی کونده هم کوپلب سئوال لر موجود" دییه قید ایتدی. 

سندرز, اوز سوز لرینی, "اسرائیل, سونگّی ییللرده تینچلیک سیور بیر ییچیم اوچون امید بوله دیگن هیچ بیر ایش قیلمه دی. غزه محاصره سینی دوام ایتدیردی, غربی نوارده گی تحقیر ایتووچی ایشلرینی چقورلشتیردی و فلسطین لیک لرنینگ دوچ کیلیب قالگن قیین چیلیک لر گه بویوک مقیاسده اهمیت بیرمه دی" شکلیده دوام ایتدیردی.

سندرز, "امریکا قوشمه نینگ, اسرائیل نینگ دوستی بولسه هم بو دوستلیک نینگ بعضی شرط لری نینگ بولگن لیگینی و خلق ارا حقوق و اوز اخلاقی ارزش لری میز نی اخلال قیلگن ایشلرده جرم گه اورتاق بوله آلمه یدیگن لیگی نی انیق بیلدیریشی کیره ک" دییه قید ایتدی.