بایدن السیسی و نتنیاهو بیلن سوزله شدی
اوشبو صحبت لر تلفن آرقه لی بولیب اوتدی
امریکا قوشمه ایالتلری دولت رهبری جو بایدن, تلفن آرقه لی, اسرائیل باش وزیری بنیامین نتنیاهو و مصر جمهوررئیسی عبدالفتاح السیسی بیلن سوزله شدی.
آق اوی تامانیدن بیریلگن بیاناتده, بایدن نینگ, نتنیاهو بیلن بولیب اوتگن صحبتیده, اسرائیل و حماس اورته سیده گی اسیر المه شووی سببلی خرسند بولگن لیگینی بیلدیرگن لیگی معلوم قیلیندی.
غزه گه بشری یاردم لرنینگ ییتکزیب بیریلیشی حقیده گپیرگن بایدن, عینی دمده غربی نوارده تینچلیک نینگ اورنه تیلیشی نینگ اهمیتی گه دقت قره تدی.
بایدن, تلفن آرقه لی مصر جمهوررئیسی عبدالفتاح السیسی بیلن بولیب اوتگن صحبتیده, اسیر المه شووی بوییچه قیلگن سعی و حرکت لری اوچون السیسی گه منتدارچیلیک بیلدیردی.
امریکا قوشمه ایالتلری نینگ هیچ بیر شکلده فلسطین لیک لرنینگ غزه دن یاکه غربی نواردن کیتیش گه مجبور قیلینیشی گه اجازت بیرمه یدیگن لیگینی معلوم قیلگن بایدن, غزه نینگ محاصره سی یاکه چیگره لری نینگ قیته باشدن انیقله نیشی گه هم اجازت بیرمه یدیگن لیگینی ایسله تیب اوتدی.
بایدن بیلن السیسی عینی دمده غزه گه ینه ده کوپراق بشری یاردم لرنینگ ییتکزیب بیریلیشی بوییچه اوز ارا کیلیشیب آلدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی