امریکا نینگ بیر حربی اوچاغی قولب توشدی

آقدینگیزده قولب توشگن امریکا قوشمه ایالتلری حربی اوچاغیده گی 5 نفر پرسونل نینگ حیاتینی یوقاتگن لیگی معلوم قیلیندی.

امریکا قوشمه ایالتلری اروپا قوماندانلیگی 10- نوامبر کونی آقدینگیزده قولب توشگن حربی اوچاقده گی 5 نفر پرسونل نینگ حیاتینی یوقاتگن لیگینی بیلدیردی. 

اوشبو قوماندانلیک تامانیدن بیریلگن بیاناتده, "امریکا نینگ حربی اوچاغی, عسکری تعلیمده هوا ده یاقیلغی اکمالی جریانیده آقدینگیزده قولب توشدی.  اوچاقده گی 5 نفر حربی پرسونل نینگ همه سی حیاتینی یوقاتدی" دییه قید ایتیلدی. 

قیدیرو- قوتقرو فعالیت لری نینگ باشله تیلگن لیگی و حادثه بیلن علاقه لی تیرگاو نینگ دوام ایتیاتگن لیگی معلوم قیلیندی. 

اسرائیل نینگ غزه گه قره تیلگن هجوم لری نینگ باشله شی آرتیدن امریکا قوشمه ایالتلری اردوسی آقدینگیز گه ایکّی اوچاق کیمه سی داخل کوپلب حربی امکانیت لرنی جایلشتیررایکن, منطقه ده تطبیقات باشلتگن ایدی.