آلمان تانزانیا دن کیچیریم سوره دی

آلمان جمهوررئیسی فرانک والتر- شتاینمایر, اولکه سی نینگ استعمار دوریده تانزانیا ده مرتکب بولگن جرم لر سببلی اویه لگن لیگینی بیلدیریب اوشبو اولکه دن کیچیریم سوره دی. 

ترقه تیلگن خبرلرده, تانزانیا گه قیلگن سفری دایره سیده ماجی ماجی موزیمیده بیرگن بیاناتیده شتاینمایر نینگ, "آلمانلیک لرنینگ اجدادینگیز گه قرشی قیلگن ایشلری سببلی کیچیریم سوره یمن" دییه قید ایتگن لیگی بیلدیریلدی. 

تانزانیا بیلن اورتاق بیر کیله جک قورماقچی ایکن لیک لری, اوتمیشده بولگن گپ لرنی اولکه سیده توشینتیریب بیره دیگن لیگینی معلوم قیلگن شتاینمایر, آلمان نینگ استعمار دوریده تانزانیا ده قیلگن ایش لری سببلی اویه لیاتگن لیگینی بیلدیرگن لیگینی معلوم قیلدی. 

عرب حاکمیتی آرتیدن میلادی 1880- ییللردن باشلب میلادی 1919- ییل گه قدر آلمان نینگ مستعمره سی بولگن تانزانیا توپراقلری, ملت لر جمعیتی نینگ قوریلیشی بیلن بیرگه انگلیس لر نینگ حاکمیتی گه اوتدی. 

آلمان استعماری گه قرشی میلادی 1905 الی 1907- ییللر ده قیلینگن ماجی ماجی قیام لری زوروانلیک بیلن توخته تیلرایکن, مقاومتده 200 الی 300 مینگ کیشی نینگ اولدیریلگن لیگی اویلنماقده. 

تانزانیا, مستعمره دوریده اولگن مقاومتچی لر گه عاید قالدیق لرنینگ آلمان ده گی موزیم لردن آلینیب اولکه گه کیلتیریلیشی اوچون اوشبو اولکه بیلن مذاکره گه باشله گن لیگینی معلوم قیلگن ایدی.