لاوروف: آذربایجان بیلن ارمنستان اورته سیده گی کیلیشماوسیزلیک اساسن ییچیلگن وضعیتده

روسیه تشقی ایشلر وزیری سرگی لاوروف، آذربایجان بیلن ارمنستان اورته سیده گی کیلیشماوسیزلیک نینگ اساسن ییچیلگن لیگینی ایتدی.

لاوروف، ایران نینگ پایتختی تهران ده 3+3 شکلیده گی "جنوبی قفقازیاده دایمی تینچلیک و برقرارلیک اورنه تیلیشی بوییچه منطقوی همکارلیک" جلسه سیدن کیین گزیته چیلرگه بیانات بیردی.

هم باکو همده ایروان نینگ قاره باغ نینگ آذربایجان گه باغلیق ایکن لیگی توغریسیده همفکر ایکن لیگینی تیلگه آلگن لاوروف "ییچیلمه گن اصل معما هم بو ایدی. کیلیشماوسیزلیک اساسن ییچیلدی." دیب ایتدی.

لاوروف ایندی بیر تینچلیک بیتیمی تیارلنیشی، چیگره لرنینگ تعیینلنیشی و هیچ بیر توسیق بولمه ی ترانسپورت ترماقلری نینگ تامین ایتیلیشی قاله ویرسه مناسبتلرنی بوتونله ی نورماللشتیریلیشی بوییچه انیق آدیملرنینگ قالگن لیگینی معلوم قیلدی.

بروکسل و واشنگتن نینگ آذربایجان بیلن ارمنستان اورته سیده گی چیگره نینگ تعیینلنیش جریانی گه اره لشیش گه اورونگن لیگینی افاده ایتگن لاوروف ارمنیلرنینگ هم آذربایجانلیکلرنینگ هم فایده لی بولگن هیچ بیر تماس گه قرشی ایمس ایکن لیکلرینی قید ایتدی.

لاوروف آذربایجان و ارمنستان نینگ چیگره لرینی تعیینلش اوچون روسیه تامانی نینگ مصلحتچی بولیب قتنشه دیگن بیر کمیسیون قورگن لیگینی هم ایسله تیب اوتدی.