بایدن غزه گه بشری یاردم ییتکزیب بیریلیشی توغریسیده السیسی بیلن سوزله شدی

امریکا قوشمه ایالتلری دولت رهبری جو بایدن, تلفن آرقه لی, مصر جمهوررئیسی عبدالفتاح السیسی بیلن سوزله شدی. 

اوشبو صحبت بیلن علاقه لی آق اوی تامانیدن بیریلگن بیاناتده,  ایکله رهبر نینگ غزه گه بشری یاردم لرنینگ دواملی شکلده ییتکزیب بیریلیشی توغریسیده کیلیشیب آلگن لیگی بیلدیریلدی. 

بایدن, السیسی بیلن قیلگن صحبتی توغریسیده ژورنالیست لر گه معلومات بیردی. 

السیسی نینگ غزه گه بشری یاردم لرنینگ ییتکزیب بیریلیشی اوچون رفح چیگره دروازه سینی آچیش نی قبول قیلگن لیگینی بیلدیرگن بایدن, بشری یاردم تشووچی 20 گه یقین موتر نینگ منطقه گه یوباریله دیگن لیگینی معلوم قیلدی. 

اسرائیل, غزه نینگ مرکزیده گی الاهلی الباپیست کسلخانه سینی بمباردمان قیلرایکن, اوشبو حادثه عاقبتیده 471 نفر عادی اهالی حیاتینی یوقاتگن ایدی. 

اسرائیل نینگ 7- اوکتوبر کونی باشله گن هجوملریده 3 مینگدن آرتیق فلسطینلیک حیاتینی یوقاترایکن, 12 مینگ 500 دن آرتیق کیشی ایسه یره لندی.