مصر جمهوررئیسی بیل یونان باش وزیری غزه ده گی وضعیت توغریسیده سوزله شدی

یونان باش وزیری کیریاکوس میچوتاکیس, تلفن آرقه لی, مصر جمهوررئیسی عبدالفتاح السیسی بیلن سوزله شدی. 

یونان باش وزیرلیک دفتری تامانیدن بیریلگن بیاناتده, اوشبو صحبتده, اسرائیل- فلسطین اوروشی و غزه نواریده گی سونگّی وضعیت حقیده سوز یوریتیلگن لیگی بیلدیریلدی. 

میچوتاکیس, غزه ده بشری بحران نینگ آلدی نینگ آلینیشی کیره ک ایکن لیگی نی معلوم قیلدی. 

غزه گه بشری یاردم لرنینگ ییتکزیب بیریلیشی نینگ مهم ایکن لیگی توغریسیده کیلشیب آلگن ایکله رهبر, اوشبو ناتینچلیک نینگ منطقه ده کینگ قولاچ یاییب کیتیشی بوییچه خواطر بیلدیردی. 

حماس نینگ عسکری بولیمی دن عبارت القسام لوا لری, 7- اوکتوبر کونی اسرائیل گه قره ته "اقصی طوفانی" ناملی کینگ کولملی بیر هجوم باشلتگن لیگینی بیلدیرگن ایدی.  غزه دن اسرائیل گه قره ته مینگلب راکت آتیلرایکن, قوراللی کیشی لر منطقه ده گی مسکونی نقطه لر گه کیرگن ایدی. 

اسرائیل اردوسی هم اوروش اوچاق لری دن فایده له نیب غزه نواری گه قره ته تیمیر قلیچ لر عملیاتی نی باشلتگن لیگینی بیلدیرگن ایدی. 

اوشبو حادثه لر عاقبتیده ایکله تاماندن یوزلب کیشی حیاتینی یوقاتدی.