فرانسه ده پولیس کوچلری کوچمن کمپینی ییقیب تشله دی

فرانسه ده پولیس کوچلری انگلیس کانالی چیگره سیده جایلشگن کلائیس شهریده گی کوچمن کمپینی ییقیب تشله دی.

پولیس کوچلری ایرته لب 500 دن آرتیق کوچمن بولگن تورکوریئه کمپی گه باسقین قیلدی.

خوفسیزلیک کوچلری کوچمنلرنی تشقریگه چیقریب بو جایده گی 21 نفرنی کوچمن مقامیده بولمه گن لیگینی ادعا ایتیب نظارتگه آلدی.

حادثه عاقبتیده بیر کیشی کسلخانه گه ییتکیزیلدی. والیلیک ایریم کوچمنلرنی وقتینچه لیک پناهگاه مرکزیگه آلیب باردی.

امنیه قومندانلیگی تامانیدن بیریلگن بیاناتده اوشبو کوچمن کمپی نینگ ییری نینگ ایریم بیر کیشی گه باغلیق ایکن لیگی شونده ی بولیب ییرنینگ ایگه سی نینگ سودگه مراجعه قیلگن لیگی و خوفسیزلیک سببلری کوزگه توتیلیب تخلیه عملیاتی قراری آلینگن لیگی بیلدیریلدی.

کلائیس آلدین هم انگلستانگه اوتماقچی بولگن کوچمنلرنینگ خیمه لرنی پولیسلر و ایریم ییتکچیلر پیچاق بیلن کیسگن تصویرلر چیققندی.

اوشبو تصویرلر انسان حقلری مدافعه چیلری تامانیدن قاره لنگندی.