بیرلشگن ملتلر تشکیلاتیده فلسطین توغریسیده ییغیلیش بولیب اوتدی

بیرلشگن ملتلر تشکیلاتی انسان حق لری کینگشیده, فلسطین ده انسان حق لری بوییچه وضعیت بهالنتیریلدی. 

ییغیلیش گه اشتراک قیلگن مسئول لر, اسرائیل نینگ میلادی 1967- ییلدن بیری دوام ایتدیریاتگن اشغال فعالیت لری و خلق ارا حقوق اخلال لری نی اورغوله دی. 

ییغیلیشده جاری ییلده 248 کیشی نینگ اسرائیل لیک لر تامانیدن اولدیریلگن لیگی, ژورنالیست لر و ساغلیق پرسونلی نینگ هدف قیلیب آلینگن لیگی بیلدیریلدی. 

کوپلب اداری قماق قرار لری نینگ بحث موضوعی بولگن لیگی معلوم قیلیندی.

اسرائیل نینگ اشغال نی اداققه ییتیشتیریشی اوچون خلق ارا جامعه گه تاریخی و حقوقی مسئولیت بوییچه چقیریق بیریلگن ییغیلیش گه اسرائیل تامانیدن هیچ کیمسه اشتراک قیلمه دی. 

فلسطین بیت المقدس ایچکی ایشلر وزیرلیگی هم اسرائیل نینگ مسجد الاقصی بیلن علاقه لی تحریک ایتووچی فعالیت لری گه قرشی "خلق ارا عاجل مداخله" طلب قیلدی. 

وزیرلیک, افراطی یهودی ناقل لرنینگ مسجدالاقصی گه باسیب کیریش لری نینگ توخته تیلیشی کیره ک ایکن لیگی نی بیلدیردی.