آذربایجان جمهوررئیسی آلمان باش وزیری بیلن سوزله شدی

آذربایجان جمهوررئیسی الهام علی اف, تلفن آرقه لی, آلمان باش وزیری اولاف شولتس بیلن سوزله شدی. 

آذربایجان جمهوررئیسلیگی, شولتس نینگ علی اف گه قونغیراق قیلگن لیگی نی بیلدیردی. 

صحبتده, منطقه مقیاسیده گی موضوع لر حقیده فکر المه شیلدی. 

شولتس, آلمان نینگ منطقه اولکه لری نینگ ارضی تمامیتی و حاکمیتی گه حرمت کورسه تیاتگن لیگینی معلوم قیلدی. 

اروپا اتفاقی کینگشی باشلیغی چارلز میشل تامانیدن آلیب باریلیاتگن بروکسل  پروسه سی نی هم حمایت قیلیاتگن لیگینی معلوم قیلگن شولتس, منطقه گه بیرلشگن ملتلر تشکیلاتی کمیسیونی هیئتی نینگ سفری نی مثبت بهالنتیریاتگن لیک لرینی بیلدیردی. 

جمهوررئیس علی اف, آذربایجان نینگ منطقه مقیاسیده گی تینچلیککه صادق ایکن لیگی نی بیلدیریب, بروکسل پروسه سی نی حمایت قیلیاتگن لیک لرینی معلوم قیلدی. 

علی اف, مرکزی حکومت نینگ قره باغ نینگ ارمنی مسکون لری گه تامین ایتیب بیرگن بشری یاردم لری گه دقت قره ترایکن, اوشبو کیشی لر گه کوچ و اجتماعی خوفسیزلیک بوییچه جاییده همکارلیک قیلینگن لیگی, راجستر پروسه سی نینگ باشله تیلگن لیگی و بونینگ اوچون ینگی بیر انترنت سایتی نینگ آچیلگن لیگینی ایسله تیب اوتدی. 

بیرلشگن ملتلر تشکیلاتی هیئتی نینگ منطقه گه قیلگن سفری حقیده هم بحث ایتگن علی اف, هیئت نینگ, عادی اهالی و ملکی زیربنا گه هیچ قنده ی ضرر ییتکزیلمه گن لیگی بوییچه بیانات بیرگن لیگینی بیلدیردی.