سویدن باش وزیری: سویدن نینگ ناتو اعضالیگی گه تورکیه قرار قیله دی

سویدن باش وزیری اولف کریسترسون, اولکه سی نینگ ناتو اعضالیگی بوییچه طلبی نینگ تورکیه پارلمانی تامانیدن جاری آیده قبول قیلینه دیگن لیگی نی انیق ایته آلمه یدیگن لیگی نی بیلدیردی. 

اولکه سی نینگ ناتو اعضالیگی بوییچه طلبی توغریسیده سویدن مطبوعاتی آرقه لی بیانات بیرگن کریسترسون, سویدن نینگ ناتو اعضالیگی گه تورکیه نینگ قرار قیله دیگن لیگینی ایسله تیب اوتدی. 

کریسترسون, "اوکتوبر آییده ناتو اعضالیگی میز نینگ تصدیقله نه دیگن لیگینی ایته آلمه یمن.  اوشبو قرار تورکیه گه عاید, تورکیه نینگ اوزی قرار قیله دی" دییه قید ایتدی. 

تورکیه پارلمانی نینگ آچیلیشی دن سونگ سویدن نینگ ناتو اعضالیگی طلبی نینگ تصدیقله نیشی پروسه سی نینگ "اینگ قیسقه مدتده" پارلمان گه یوباریلیشی بوییچه کیلیشیب آلگن لیک لری نی معلوم قیلگن کریسترسون, اوز سوز لرینی, "همه پارلمان نینگ آچیلیشی آرتیدن سویدن نینگ ناتو اعضالیگی نینگ تصدیق له نه دیگن لیگینی اویله ماقده.  ایندی پارلمان آچیلگن وضعتده.  مین هم سویدن نینگ ناتو اعضالیگی نینگ تصدیقله نیشی وقتی نینگ کیلگن لیگی نی اویله ماقده من" شکلیده دوام ایتدیردی.