آذربایجانلیک ییتکچی فرانسه تشقی ایشلر وزیری نینگ بیاناتلرینی قتّیق قاره له دی

آذربایجان تشقی ایشلر وزیرلیگی سوزچیسی آیخان حاجیزاده فرانسه تشقی ایشلر وزیری کترینه کولونانینگ ارمنستان اوچره شوولریده آذربایجان گه قرشی بیرگن بیاناتلرینی قاره له دی.

اجتماعی ترماق X آرقه لی بیانات بیرگن حاجیزاده کولونانینگ ارمنستان ده قاره باغ گه تیگیشلی «ساخته محاصره» و «زوروانلیک بیلن بدرغه ایتیش» دیب تیلگه آلگنلری نینگ تینچلیک که فایده سی یوق لیگینی ایتدی.

حاجیزاده "(کولونا)نینگ ,فرانسه هردایم ارمنستان نینگ یانیده دیر. دیگن بیاناتی صمیمی و طرفسیز واسطه چی ایکن لیگینی ادعا ایتگن فرانسه نینگ یالغانینی کورستدی." دیب ایتدی.

کولونا ارمنستان نینگ پایتختی اریوان ده گی اوچره شوولری چاغیده قاره باغ ده یوزبیرگن حادثه لر طفیلی آذربایجان نی عیبله گندی.

شونده ی بولیب فرانسه تشقی ایشلر وزیری کولونا ارمنستان تشقی ایشلر وزیری ارارت میرزایان بیلن اریوان ده اویوشتیرگن مشترک مطبوعاتی کنفرانسده اولکه سی نینگ ارمنستان گه مدافعه سیگه تیگیشلی حربی تجهیزات بیریش اوچون کیلیشووگه قول قوییش نی قبول ایتگن لیگینی بیلدیردی.

فرانسه نینگ ارمنستان نی قوللب – قوتلش گه دوام ایته جگینی معلوم قیلگن فرانسیز وزیر اولکه سی نینگ "ارمنستان نینگ توپراق بوتونلیگی توغریسیده آگاه بولیب توره جگینی" ایتدی.