بروکسلده آذربایجان بیلن ارمنستان اورته سیده اوچره شوو بولیب اوته دی

آذربایجان بیلن ارمنستان اورته سیده 26- سپتامبر کونی بلجیم پایتختی بروکسلده اوچره شوو بولیب اوته دی. 

اوشبو اوچره شوو نینگ, آذربایجان جمهوررئیس مشاوری حکمت حاجی اف بیلن ارمنستان خوفسیزلیک کینگشی عمومی سکرتری ارمن گریگوریان نینگ اشتراکی بیلن بولیب اوته دیگن لیگی بیلدیریلدی. 

ارمنستان رسمی خبر آژانسی ارمن پرس نینگ ارمنستان خوفسیزلیک کینگشی عمومی سکرترلیگی گه کوره بیرگن خبریده, حاجی اف بیلن گریگوریان اورته سیده 26- سپتامبر کونی بروکسلده بولیب اوته دیگن اوچره شووگه, فرانسه جمهوررئیسی امانوئیل ماکرون, آلمان باش وزیری اولاف شولتس و اروپا اتفاقی کینگشی باشلیغی چارلز میشل نینگ مشاور لری نینگ هم اشتراک قیله دیگن لیگی بیلدیریلدی. 

اوچره شووده, آذربایجان جمهوررئیسی الهام علی اف بیلن ارمنستان باش وزیری نیکول پاشینیان اورته سیده 5- اوکتوبر کونی اسپانیا نینگ گرانادا شهریده بولیب اوته دیگن اوچره شوو بوییچه تیارگرلیک لر توغریسیده سوز یوریتیله دی. 

بروکسلده 14- می کونی علی اف, پاشینیان و میشل نینگ اشتراکی بیلن اوچ تامانلمه بیر ییغیلیش بولیب اوتگن ایدی.