جمهوررئیس اردوغان ایریم اوچره شوو لر اوتکزدی

تورکیه جمهوریتی جمهوررئیسی رجب طیب اردوغان, امریکا قوشمه ایالتلری دولت رهبری جو بایدن و عیالی نینگ, بیرلشگن ملتلر تشکیلاتی عمومی کینگشی گه اشتراک قیلگن هیئت باشلیق لری و عیال لری اوچون ترتیب له گن آقشام دعوتی گه اشتراک ایتدی. 

اردوغان, عینی دمده امریکا قوشمه ایالتلری گه قیلگن سفری دایره سیده تورک اوییده, اسرائیل باش وزیری بنیامین نتنیاهو نی قبول قیلدی. 

جمهوررئیسلیک علاقه باشقرمه سی تامانیدن بیریلگن بیاناتده, خلق ارا و منطقه مقیاسیده گی مسئله لر توغریده سوز یوریتیلگن قبولده, ایکله اولکه اورته سیده گی سیاسی و اقتصادی علاقه لر بیلن اسرائیل- فلسطین اختلافی گه تیگیشلی سونگّی ینگیلیک لر باره سیده بحث ایتیلگن لیگی بیلدیریلدی. 

جمهوررئیس اردوغان, قبولده, تورکیه نینگ اسرائیل بیلن انرژی, تکنالوژی, مصنوعی ذکا و سایبری خوفسیزلیک ساحه لریده همکارلیک قیلیشی نینگ ممکن ایکن لیگینی معلوم قیلرایکن, تینچلیک نینگ حاکم بولگن بیر دنیا اوچون همکارلیک قیلینیشی کیره ک ایکن لیگینی بیلدیردی. 

جمهوررئیس اردوغان, اوشبو قبول آرتیدن اجتماعی ترماق آرقه لی بیرگن بیاناتیده, "بیرلشگن ملت لر تشکیلاتی 78- عمومی کینگشی ییغیلیشی دایره سیده اسرائیل باش وزیری بنیامین نتنیاهو بیلن اوچره شدیک.  مشوره لری میز اولکه میز و منطقه میز اوچون خیرلی بولسین" دییه قید ایتدی. 

جمهوررئیس اردوغان اوشبو دایره ده ایتالیا باش وزیری جورجا ملونی نی هم قبول قیلدی. 

جمهوررئیسلیک علاقه باشقرمه سی اوشبو قبولده, ایکله اولکه اورته سیده گی مناسبت لر, تورکیه نینگ اروپا اتفاقی اعضالیگی پروسه سی, منطقه مقیاسیده گی مسئله لر, روسیه- اوکراین اوروشیده گی ینگی لیک لر, قاره دینگیز آرقه لی غله نینگ دنیا بازار لری گه ییتکزیب بیریلیشی بوییچه تشبث نینگ کیله جگی و ایکله اولکه اورته سیده گی اقتصادی مناسبت لرنینگ رواجلنتیریلیشی باره سیده بحث ایتیلگن لیگینی بیلدیردی. 

اوچره شووده جمهوررئیس اردوغان, ایکله اولکه اورته سیده گی تجارت حجمی نینگ آرتیریلیشی اوچون اقتصاد و تجارت بوییچه اورتاق کمیته و سرمایه دارلر ییغیلیشی نینگ تیزده بولیب اوتیشی کیره ک ایکن لیگینی معلوم قیلدی. 

جمهوررئیس اردوغان, اوشبو توغریده اجتماعی ترماق آرقه لی بیرگن بیاناتیده, اوچره شوو نینگ کوپلب ساحه لر بوییچه یخشی مناسبت لر گه ایگه بولگن تورکیه- ایتالیا علاقه لری اوچون خیرلی بولیشی نی تیلب قالدی.