جمهوررئیس اردوغان ایریم اوچره شوو لر اوتکزدی

تورکیه جمهوریتی جمهوررئیسی رجب طیب اردوغان, بیرلشگن ملتلر تشکیلاتی عمومی کینگشی ییغیلیشی اوچون امریکا قوشمه ایالتلری گه تشریف بویوردی. 

جمهوررئیس اردوغان اوشبو ییغیلیش آلدین ایریم اوچره شوو لر اوتکزدی. 

جمهوررئیس اردوغان دستلب گرجستان باش وزیری ایراکلی گاریباشویلی نی قبول قیلدی. 

اوچره شووده اردوغان, باکو-تیفلیس- قارص تیمیر یولی نینگ تیزده فعالیت گه باشله شی نینگ کوتیلیاتگن لیگینی بیلدیردی. 

تورکیه بیلن گرجستان اورته سیده گی تجارت حجمی نینگ 3 میلیارد دالردن 5 میلیارد دالر گه آرتیریلیشی نینگ ممکن ایکن لیگینی بیلدیرگن اردوغان, گرجستان ده گی فتح الله چی ترور تشکیلاتی مکتب لری نینگ یاپیلیب سرمایه لری نینگ تونگنه تیلیشی نینگ مهم ایکن لیگی نی معلوم قیلرایکن, اوشبو جهتده گرجستان رهبریتی تامانیدن تشلنگن قدم لردن ممنون ایکن لیک لرینی ایسله تیب اوتدی. 

کیین اردوغان, امریکا قوشمه ایالت لریده یشیاتگن آهیسکا تورک لری بیلن صحبت قیلدی.

اردوغان, روسیه- اوکراین اوروشی نینگ باشله شی آرتیدن 4 مینگ نفر آهیسکا تورکی نی تورکیه گه کیلتیرگن لیک لرینی بیلدیردی. 

عینی دمده اردوغان, آهیسکا تورک لری گه تورکیه جمهوریتی وطنداش لیگی نینگ بیریلیشی بوییچه هم کیره کلی قدملرنینگ تشله نیاتگن لیگی و پروسه نینگ تیزلشتیریلیاتگن لیگینی بیلدیردی. 

جمهوررئیس اردوغان, فضایی ترانسپورت شرکتی دن عبارت اسپیس اکس نینگ باشلیغی بولگن ایلان ماسک بیلن صحبت قیلدی. 

جمهوررئیس اردوغان نیویورک شهریده تیسلا نینگ اساسچی سی ایلان ماسک بیلن قیلگن صحبتیده, تیسلا نینگ 7- فابریکه سی نی تورکیه ده قوریشی اوچون ماسک گه چقیریق بیردی.

ماسک بیلن قیلگن صحبتیده اردوغان, تورکیه ده تکنالوژی ساحه سی بوییچه یوز بیریاتگن مثبت ینگی لیک لر بیلن علاقه لی بحث ایتدی. 

اردوغان, ماسک نی 27- سپتامبر بیلن 1- اوکتوبر کونلری آره سیده تورکیه نینگ ازمیر ولایتیده بولیب اوته دیگن دنیا نینگ اینگ کتته فضا, هواچیلیک و تکنالوژی فستیوالی دن عبارت تکنوفیست گه چقیردی.

عینی دمده جمهوررئیس رجب طیب اردوغان, امریکا قوشمه ایالتلری نینگ نیویورک شهریده بولیب اوتگن بیر ییغیلیشده معروضه قیلدی. 

اردوغان اوشبو معروضه سیده, "دنیاده 2 میلیارد مسلمان نینگ مقدساتی گه حمله قیلیش نینگ, سوز ایرکین لیگی بهانه سی بیلن مشروع لشتریلیشی نی هیچ بیر شکلده قبول قیلیشی میز ممکن ایمس" دییه قید ایتدی.