زلنسکی امریکا قوشمه ایالتلری گه تشریف بویوره دی

اوکراین جمهوررئیسی ولودیمیر زلنسکی, امریکا قوشمه ایالتلریده آق اوی و کانگرس گه باره دی. 

اسمی نینگ ذکر ایتیلمس لیگی نی طلب قیلگن امریکالیک مسئول لر, زلنسکی نینگ کیلگوسی هفته نیویورکده بولیب اوته دیگن بیرلشگن ملتلر تشکیلاتی عمومی کینگشی ییغیلیشی گه اشتراک قیلیشی آرتیدن ایریم اوچره شوو لر اوتکزه دیگن لیگینی بیلدیردی.

زلنسکی نینگ, پنجشنبه کونی آق اویده امریکا قوشمه ایالتلری دولت رهبری جو بایدن بیلن اوچره شه دیگن لیگی بیلدیریلدی. 

حاضرگی کونده امریکا قوشمه ایالتلری کانگرسیده اوکراین گه قوشیمچه 21 میلیارد دالرلیک یاردم بحث موضوعی.  کانگرسده ایریم جمهوریتچی لر اوکراین گه یاردم لرنینگ توخته تیلیشی و فدرال بودیجه دن قیلینه دیگن مصرف لرنینگ چیکله نیشی کیره ک ایکن لیگینی معلوم قیلماقده. 

زلنسکی دسامبر آییده واشنگتن گه قیلگن سفریده, کانگرسده معروضه قیلیب, امریکا قوشمه ایالتلری نینگ اوکراین گه یاردم لری نینگ "خیریه" ایمس بلکه, "خلق ارا خوفسیزلیک و دموکراسی اوچون" سرمایه گذارلیک ایکن لیگینی بیلدیرگن ایدی.