لیبیا ده سیل آلتی مینگ دن آرتیق کیشی نینگ اولیمی گه سبب بولدی
اوشبو توغریده لیبیا باش وزیری بیانات بیردی
لیبیا ملی بیرلیک حکومتی نینگ باش وزیری عبدالحمید دبیبه, اولکه سیده 6 مینگ دن آرتیق کیشی نینگ اولیمی گه سبب بولگن سیل باعث باشلنغیچ و اورته مکتب لرنینگ ینه 10 کونلیک بیر مدت بیلن رخصت قیلینگن لیگینی بیلدیردی.
دبیبه اوشبو توغریده, اجتماعی ترماق آرقه لی بیانات بیردی.
دبیبه, "سیل آفتی گه دوچ کیلیب قالگن منطقه لرده گی قیین چیلیک لرنی نظرده توتگن حالده لیبیا ده باشلنغیچ و اورته مکتب لرنینگ ینه 10 کونلیک بیر مدت بیلن رخصت قیلینیشی گه قرار قیلدیم" دییه قید ایتدی.
دبیبه, سیل سببلی اوی لرینی درک ایتیش گه مجبور بولگن کیشی لرنینگ قالیش لری اوچون 700 چپرکتی بولگن بیر کیمه نینگ درنه قیرغاغی گه یوباریلگن لیگینی بیلدیرگن ایدی.
عینی دمده دبیبه, "دانیال" طوفانی جریانیده درنه ده گی ایکّی بند نینگ قوله شی بیلن علاقه لی "شاشیلینچ تیرگاو" باشله تیلیشی بوییچه بویروق بیردی.
دبیبه, اجتماعی ترماق آرقه لی بیرگن بیاناتیده, "باش قاره لاوچی گه درنه ده گی ایکّی بند نینگ قوله شی بیلن علاقه لی عاجل تیرگاو باشله تیلیشی و بونینگ بیلن باغلیق اداره لر گه تیرگاو دایره سیده انیق همکارلیک قیلیش لری بوییچه بویروق بیردیم" دییه قید ایتدی.
علاقه لی ینگی لیکلر
روس کوچلری تامانیدن اوکراین نینگ خارکیف منطقه سیگه هجوم اویوشتیریلدی
اوشبو هجوم عاقبتیده کوپلب کیشی نینگ اولیب یره لنگن لیگی بیلدیریلدی