امریکا - اوکراین مدافعه وزیرلری اوزارا سوزلشوو اوتکزدی

امریکا قوشمه ایالتلری مدافعه وزیری لوید جی. آستین اوکراین ده مدافعه وزیری ایتیب تعیینلنگن رستم عمراوف نی تبریکلب امریکا قوشمه ایالتلری تامانیدن بیریلگن همکارلیکلرنینگ دوام ایته جگینی بیلدیردی.

امریکا قوشمه ایالتلری مدافعه وزیرلیگی (پنتاگون) تامانیدن بیریلگن یازمه بیاناتده آستین بیلن عمراوف نینگ تیلفون آرقه لی سوزلشگن لیگی معلوم قیلیندی.

سوزلشووده عمراوف نی تبریکله گن آستین نینگ امریکا قوشمه ایالتلری تامانیدن (2022 ییلی 24 فبروریدن بیری اوروشیب تورگن) اوکراین گه بیریلگن همکارلیکلرنینگ دوام ایته جگینی بیلدیرگن لیگی قید ایتیلدی.

امریکا قوشمه ایالتلری تامانیدن خوفسیزلیک بوییچه بیریلگن یاردم نی تیلگه آلگن تامانلر اوکراین نینگ اوروش ساحه سیده گی عاجل احتیاجلری توغریسیده فکر المه شووی عملگه آشیرگن لیکلری افاده ایتیلدی.

شونده ی بولیب آستین بیلن عمراوف نینگ تماسلری نینگ دوام ایته جگی معلوم قیلیندی.

اوکراین دولت باشلیغی ولودیمیر زلنسکی 3 سپتامبرده قیریم تاتار تورکی بولمیش عمراوف نی مدافعه وزیری ایتیب تعیینله گن لیگینی بیلدیرگندی.

عمراوف نینگ کاندیدلیگی اوکراین پارلمانی (Verkhovna Rada) تامانیدن 6 سپتامبرده تصدیقلنگندی.

شونده ی بولیب 1982 – ییل توغیلگن عمراوف اوکراین تاریخیده وزیر بولگن ایلک قیریم تاتار تورکی بولدی.