تورکیه بیلن عرب دولت لری آره سیده گی مناسبت لر یخشی

عرب بیرلیگی باش کاتبی احمد ابوالغیط, تورکیه بیلن عرب دولت لری آره سیده گی مناسبت لرنینگ یخشی ایکن لیگینی معلوم قیلدی. 

عرب بیرلیگی نینگ 160- تشقی ایشلر وزیرلری فوق العاده ییغیلیشی, مصر پایتختی قاهره ده عرب بیرلیگی مرکزیده اداققه ییتدی. 

ییغیلیش آرتیدن مطبوعاتی کنفرانس ترتیب له گن ابوالغیط, عرب بیرلیگی نینگ وزیر لر سویه سیده آلدین تورکیه, ایران و فلسطین مسئله لری بوییچه هیئت لر بیلن ایریم ییغیلیش لر اوتکزگن لیگینی بیلدیردی.

ابوالغیط, "ایران بیلن سعودی عربستان و عرب دولت لری آره سیده گی مناسبت لر بوییچه ینگی لیک لرنی همه میز کوزه تماقده میز.  عینی دمده تورکیه بیلن عرب دولت لری آره سیده گی مناسبت لر بوییچه هم مثبت ینگی لیک لر موجود" دییه قید ایتدی. 

تورکیه و ایران هیئت لری نینگ بیر ییغیلیش اوتکزگن لیگی گه دقت قره تگن ابوالغیط, اوشبو ییغیلیش نینگ نتیجه لری نینگ وزیر لر ییغیلیشیده گی بیلدیروده قبول قیلینگن لیگینی ایسله تیب اوتدی. 

ابوالغیط, سببی حقیده بحث ایتمسدن, "تورکیه و ایران هیئت لری نینگ ییغیلیش بیلن علاقه لی بیانات بیرمس لیککه قرار قیلگن لیگی" و بونینگ "کوزه تیلیشی کیره بولگن بیر ینگی لیک" ایکن لیگینی بیلدیردی.