اورته افریقا دولتلری اقتصادی جمعیتی گابن نینگ اعضالیگینی معطل قیلیب قویدی

اورته افریقا دولتلری اقتصادی جمعیتی, اساسی قانون گه اویغون بیر نظام حاکم بولگونگه قدر گابن نینگ اعضالیگی نینگ معطل قیلیب قوییلگن لیگینی بیلدیردی. 

محلی مطبوعاتده باسیلیب چیققن خبرلرده, اورته افریقا دولتلری اقتصادی جمعیتی اعضاسی اولکه لرنینگ رهبر لری نینگ استوایی گینه ده ییغیلیش اوتکزگن لیگی معلوم قیلیندی. 

خوددی شوو ییغیلیش نینگ اساسی کون ترتیبی نی ایسه 30- آگست کونی گابن ده بولگن حربی کودتا تشکیل ایتگن لیگی بیلدیریلدی. 

اوشبو رهبر لر ییغیلیشیده اساسی قانون گه اویغون بیر نظام حاکم بولگونگه قدر گابن نینگ اورته افریقا دولتلری اقتصادی جمعیتی اعضالیگی نینگ معطل قیلینیشی گه قرار قیلیندی.   

اورته افریقا دولتلری اقتصادی جمعیتی میلادی 1983- ییلده قوریلدی. 

اوشبو جمعیت نینگ اعضا لری آنگولا, بوروندی, اورته افریقا جمهوریتی, چاد, کنگو جمهوریتی, کنگو دموکراتیک جمهوریتی, سائو تومه و پرنسیب, استوایی گینه, گابن و رواندا دن عبارت.