گوترش: یقینده اوکراینده تینچلیک نینگ اورنه تیلیشی ممکن ایمس دیک کورینماقده

بیرلشگن ملتلر تشکیلاتی عمومی منشی سی آنتونیو گوترش, یقینده اوکراینده تینچلیک نینگ اورنه تیلیشی نینگ ممکن ایمس دیک کورینیاتگن لیگینی معلوم قیلدی.

گوترش, نیویورکده گی بیرلشگن ملتلر تشکیلاتی بناسیده بیرگن بیاناتیده, سپتامبر نینگ "کوپ تامانلمه دیپلماسی" آیی بوله دیگن لیگینی بیلدیررایکن, اوزی نینگ کنیاده گی افریقا اقلیم اوزگریشی ییغیلیشی, اندونزیاده گی جنوبشرقی آسیا خلق ارا بیرلیک- بیرلشگن ملتلر تشکیلاتی جلسه سی, هندوستانده گی جی 20 رهبر لر ییغیلیشی و کیوباده گی چین – 77 رهبر لر ییغیلیشی گه اشتراک قیله دیگن لیگینی ایسله تیب اوتدی. 

نیویورکده ایسه بیرلشگن ملتلر تشکیلاتی 78- عمومی کینگشی ییغیلیشی نینگ بولیب اوته دیگن لیگینی معلوم قیلگن گوترش, خوددی شوو ییغیلیشده اوکراینده تینچلیک نینگ اورنه تیلیشی بوییچه جوده مهم بیر ینگیلیک کوتمَیاتگن لیگینی معلوم قیلدی. 

گوترش, "امید هیچ قچان توگه مه یدی لیکن یقینده اوکراینده تینچلیک نینگ اورنه تیلیشی ممکن ایمس دیک کورینماقده.  عکسینچه مین ایشانگن نرسه نی ایته دیگن بولسه م یلغان ایتگن بوله من" دییه قید ایتدی. 

بیرلشگن ملتلر تشکیلاتی عمومی منشی سی, اوشبو جهت دن آلیب قره گنده اوکراینده گی اوروش نینگ منفی تاثیری نینگ آزه یتیریلیشی نینگ اهمیت گه ایگه ایکن لیگینی ایسله تیب اوتدی.