اسرائیل مالیه وزیری امریکا نی افغانستانده ایکّی یوزله مه چیلیکده عیبله دی

اسرائیل نینگ افراطی راستگرا مالیه وزیری بتسلایل سموتریش, افغانستان و عراق نینگ اشغالیده "ایکّی یوزله مه چیلیکده" عیبله گن امریکا قوشمه ایالتلری رهبریتی نینگ, "اخلاق و انسان حق لری توغریسیده اولکه سی گه درس بیریشی نینگ ممکن ایمس لیگی نی" بیلدیردی. 

سموتریش, واشنگتن رهبریتی نینگ, فلسطین لیک لر گه قرشی اخلال لر توغریسیده اسرائیل حکومتی گه قره تیلگن تنقید لری نی اسرائیل اردو رادیوسی آرقه لی بهالنتیردی. 

سموتریش, اوشبو تنقید لر بیلن علاقه لی امریکا قوشمه ایالتلری گه قتتیق عکس العمل کورستدی. 

امریکا قوشمه ایالتلری نینگ افغانستان و عراق اشغالیده گی اخلال لری گه دقت قره تگن سموتریش, "دنیا ده بیزگه هجوم قیلگن لر ایکّی یوزله مه چی دیر" دییه قید ایتدی. 

سموتریش, اوز سوزلرینی, "امریکالیک لر و اولر نینگ افغانستان و عراقده قیلگن ایش لری حقیده گپیرمه یمن. بیز گه اخلاق یاکه انسان حق لری توغریسیده درس بیره آلمه یدی لر. بو اهمیت بیریلیشی کیره ک بولگن بیر ایکّی یوزله مه چیلیک دن عبارت" شکلیده دوام ایتدیردی. 

سموتریش, باش وزیر بنیامین ناتنیاهو باشچیلیگیده گی ائتلافی حکومت نینگ اورتاق لری دن بیری بولیب اسرائیل نینگ اشغال آستیده گی غربی نوار بوییچه سیاست لریده مهم رولی بار.

فلسطینلیک لر گه قرشی عرقچی سوز لری بیلن تن آلینگن اسرائیل خوفسیزلیک وزیری ایتمار بن غفیر تلویزیون آرقه لی بیرگن بیاناتیده, یهودی لرنینگ ایرکین لیگی نینگ فلسطین لیک لرنینگ ایرکین لیگی دن مهم ایکن لیگینی بیلدیرگن ایدی. 

بن غفیر نینگ اوشبو سوز لری گه ژورنالیست لر و نادولت تشکیلات لر اجتماعی ترماق آرقه لی عکس العمل کورسه ترایکن, امریکا قوشمه ایالتلری و اروپا اتفاقی هم خوددی شوو سوز لرنی قاره له گن ایدی.