یونان ده گی اورمان یانغینلری دوام ایتماقده

ده ده آغاچ و مریچ منطقه سیده 19 اگست دن بیری دوام ایتیب تورگن اورمان یانغینی نینگ یونان ده سونگگی 20 ییلده یوزبیرگن اینگ بویوک یانغیندن عبارت ایکن لیگی بیلدیریلدی.

یونان هواشناسلیک باشقرووی نینگ اروپا بیرلیگی گه باغلییق کوپرنیکوس عاجل وضعیت باشقرووی راپورلریگه تیانتیریب تیارله گن راپورگه کوره 23 اگست گچه بولگن ده ده آغاچ و مریچ منطقه سیده گی یانغینده 720 مینگ جریب اورمانلیک ساحه یانیب کیتگن.

اولکه ده سونگگی 20 ییلده یوزبیرگن اینگ بویوک 16 یانغینده توپلم 4 میلیون 200 مینگ جریب ساحه یانیب کیتدی. بولرنینگ ایچیده اینگ کینگ ساحه 720 مینگ جریب بیلن ده ده آغاچ و مریچدن عبارت.

بو یانغین اروپا توپراقلریده یوزبیرگن اینگ بویوک یانغین ایتیب راپور قیلیندی.

جولای آییده 520 مینگ جریب ساحه یانیب کیتگن یونان ده جاری ییلده 1 میلیون 200 مینگ جریبدن آرتیق ساحه یانیب کول بولدی.

شونده ی بولیب یانغینده قولی بولگن لیگی بیلن عیبلب قولگه آلینگن 140 کیشیدن 73 ته سی حقیده تیرگاو باشله تیلدی.