تونس ده یوزلب قاچقین قولگه آلیندی

تونس ده بیر کیچه ده اویوشتیریلگن 18 اوپراسیونده 630 ته قاچقین نینگ قوتقریب آلینگن لیگی بیلدیریلدی.

تونس ملی محافظلر باش اداره سی تامانیدن بیریلگن یازمه بیاناتده اولکه ده بیر کیچه ده 18 ته قاچاق کیریش گه توسیق بولینگن لیگی معلوم قیلیندی.

خوددی شو اوپراسیون ده اورته ییر دینگیزینی اوتیش گه اورونگن 80 ته سی تونسلیک 550 ته سی صحرا افریقا اولکه لریدن توپلم 630 قاچقین نینگ قوتقریب آلینگن لیگی افاده ایتیلدی.

هر ییل مینگلب افریقالیک قاچاق کوچمن یخشیراق حیات اوتکزیش امیدی بیلن اورته ییر دینگیزی آرقه لی اروپاگه ییتیب باریش اوچون لبیا و الجزایر بیلن چیگره داش بولمیش تونس گه آشیب بارماقده.

الجزایر بیلن لیبیانینگ اورته سیده اورین آلگن تونس ایتالیانینگ جنوبیده جایلشگن آراللرگه یقین بولیشی طفیلی قاچاق کوچمنلر اوچون بیر اوتیش یولی ایتیب کوریلماقده.

تونس نینگ جنوبی شهرلریده اقامت قیلگن کوچمنلر فرصت تاپگن سری قَییقلر آرقه لی اروپاگه اوتماقچی بوله دی. هر ییل کوپلب افریقالیک کوچمن اروپا امیدی بیلن یولگه چیقیب دینگیز یولیده جان بیرماقده.