ناتو اوکراین نی قوللب- قُوَتله ماقده

ناتو, اوکراین نینگ ارضی تمامیتی نی قوللب- قوتلَیاتگن لیگی و اوشبو توغریده سیاستی نینگ اوزگرمه گن لیگینی معلوم قیلدی.

ناتو مسئول لریدن بیری, ناتو عمومی منشی سی ینس استولتنبرگ نینگ دفتر رئیسی استیان جنسین نینگ ناروی مطبوعاتی بیلن قیلگن مصاحبه سیده اورین آلگن, "اوکراین نینگ, توپراق لری نینگ بیر بولیمی نی روسیه گه بیریشی تقدیرده ناتو اعضاسی بولیشی ممکن" شکلیده گی سوز لرینی بهالنتیردی. 

"ناتو نینگ سیاستی انیق و اوزگرمه دی.  جولای آییده ویلنیوسده بولیب اوتگن ناتو رهبر لر ییغیلیشیده تکرارلنگن لیگی دیک, اوکراین نینگ حاکمیتی و ارضی تمامیتی نی بوتونله ی قوللب- قوتله ماقده میز" دییه قید ایتگن اوشبو ناتو مسئولی, اوز سوز لرینی, "قنچه دوام ایتسه ایتسین اوکراین نی قوللب- قوتلش گه دوام ایته میز.  عادلانه و قالووچی بیر تینچلیک نی اورنه تیش بوییچه قرارلی میز.  تینچلیک نینگ قچان و قنده ی شرایطده تامین ایتیله دیگن لیگی گه اوکراین قرار قیله دی" شکلیده دوام ایتدیردی. 

اوشبو ناتو مسئولی, "اوروش نینگ قیته باشلمس لیگی نی تامین ایتیش اوچون خوفسیزلیک تدبیر لری نینگ ضروری ایکن لیگی انیق" دییه قید ایتدی. 

ناروی نینگ وردنس گانگ روزنامه سی نینگ بیرگن خبریگه کوره, ناتو عمومی منشی ینس استولتنبرگ نینگ دفتر رئیسی جنسین, آرندال شهریده اشتراک ایتگن بیر ییغیلیشده, اوکراین نینگ توپراق لری نینگ بیر بولیمی نی روسیه گه بیریشی تقدیرده ناتو اعضاسی بولیشی نینگ ممکن ایکن لیگینی بیلدیرگن ایدی. 

وردنس گانگ نینگ اوشبو فکر نینگ ناتو نینگ توشینچه سی ایکن لیگی یاکه ایمس لیگی نی سوره شی آرتیدن جنسین, "بونده ی بولسین دیمه یمن.  بونینگ احتمالی ییچیم یوللری دن بیری ایکن لیگینی اویله یمن" دییه قید ایتگن ایدی. 

ناتو عمومی منشی سی ینس استولتنبرگ, ناتو نینگ اوکراین نینگ ارضی تمامینی نی حمایت قیلیاتگن لیگی, اعضالیگی نینگ فقط گینه اوروشدن سونگ بحث موضوعی بولیشی نینگ ممکن ایکن لیگی و تینچلیک نینگ قنده ی بیر شرایطده تامین ایتیله دیگن لیگی گه اوکراین نینگ قرار قیله دیگن لیگینی تکرارلب کیلماقده.