امریکا قوشمه ایالتلریده اورمان یانغینلریده اونلب کیشی حیاتینی یوقاتدی

امریکا قوشمه ایالتلری نینگ هاوایی ایالتیده دوام ایتیاتگن اورمان یانغین لریده حیاتینی یوقاتگن کیشی لر سانی 99 نفر گه ییتدی. 

سی بی اس نیوز بیلن مصاحبه قیلگن هاوایی والیسی جوش گرین, بویوک ارال و مائوئی ارالیده دوام ایتیاتگن اورمان یانغین لری حقیده بیانات بیردی. 

یانغینلرده حیاتینی یوقاتگن کیشی لر سانی نینگ 99 نفر گه ییتگن لیگینی بیلدیرگن گرین, اولگن کیشی لر سانی نینگ آرتیب کیتیشی نینگ کوتیلیاتگن لیگینی ایسله تیب اوتدی. 

گرین, منطقه ده قیدیرو- قوتقرو تیم لری نینگ "کونده 10 الی 20 گه یقین جسد تاپیش لری نینگ ممکن ایکن لیگینی" بیلدیررایکن, اولگن کیشی لر سانی نینگ 10 کون کیین انیقله نیشی امکانی نینگ موجود ایکن لیگی نی معلوم قیلدی. 

یانغینلر سببلی جایی انیقله نه آلمه گن 1300 کیشی نینگ تیم لر تامانیدن حاضر هم قیدیریلیاتگن لیگی نی بیلدیرگن گرین, یانغین لردن تاثیرلنگن ساحه نینگ 25 فایزیده قیدیرو فعالیت لری نینگ تکمیل بولگن لیگینی معلوم قیلدی. 

گرین, 12 مینگ کیشی نینگ یشیاتگن لاهاینا قصبه سی نینگ تقریباً همه سی نینگ یانگن لیگی, 402 هوتل اتاقی داخل 2000 گه یقین تورر جای نینگ اوی لری نی قولدن بیرگن کیشی لر اوچون تیار وضعیت گه کیتیریلگن لیگی نی ایسله تیب اوتدی. 

مائوئی محلی مسئوللری, یانغین نینگ تقریباً 85 فایز کنترول آستیگه آلینگن لیگی گه قره مسدن حاضر هم دوام ایتیاتگن لیگینی معلوم قیلرایکن, یانغین لرنینگ قنده ی قیلیب باشله گن لیگی نینگ انیقلنمه گن لیگینی بیلدیردی.