اروپا اتفاقی اعضاسی اولکه لرگه قاچاق اوتگن کیشیلر سانی آرتیب کیتدی

اوتگن ییل نینگ خوددی شوو دوری بیلن سالیشتیریلگنده, جاری ییل نینگ دستلبکی 7 آییده, اروپا اتفاقی اولکه لری گه قاچاق اوتگن کیشی لر سانی 13 فایز گه آشیب 176 مینگ 100 نفر گه کوتریلیب کیتدی. 

مرکزی پولندده جایلشگن اروپا اتفاقی نینگ چیگره نی قوریقلش آژانسی فرونتکس تامانیدن بیریلگن بیاناتده, دستلبکی حساب لر دایره سیده جاری ییل نینگ ایلک 7 آییده اروپا اتفاقی چیگره لریده انیقلنگن قاچاق مهاجر سانی نینگ میلادی 2016- ییلدن بیری اینگ یوقاری رقم گه کوتریلیب کیتگن لیگی بیلدیریلدی. 

اوشبو جریانده اینگ کوپ استفاده ایتیلگن قاچاق یول اورته آقدینگیز دن عبارت بولدی. 

اوشبو یول آرقه لی 89 مینگ کیشی اروپا اتفاقی اعضاسی اولکه لر گه کیردی.  اوشبو وضعیت اوتگن ییل نینگ خوددی شوو دوری بیلن سالیشتیریلگنده رقم نینگ 115 فایز مقیاسیده آرتیب کیتگن لیگی نی کورستماقده. 

ایکّینچی اینگ کوپ استفاده ایتیله یاتگن یولدن عبارت غربی بالکان آرقه لی کیرگن کیشی لر سانی 26 فایز مقیاسیده آزه ییب 52 مینگ 232 نفر گه توشدی. اوشبو یولدن اینگ کوپ سوریه لیک و افغانستانلیک لر فایده لندی. 

اوچینچی نوبتده گی شرقی آقدینگیز آرقه لی کیرگن لر سانی 29 فایز مقیاسیده آزه ییب 17 مینگ 54 نفر گه توشدی.  شرقی آقدینگیز یولیدن هم اینگ کوپ فایده له لنگن لر سوریه لیکلر, فلسطین لیک لر و افغانستانلیک لر دن عبارت بولدی.