دنمارکده ینه قرآن کریم گه حرمتسیزلیک قیلیندی

دنمارک پایتختی کوپنهاگنده قرآن کریم گه قرشی حرمتسیزلیک قیلیندی. 

اسلام گه مخالف "دنمارکلیک یورتسیور لر" ناملی گروپ نینگ اعضا لری دن بیری تورکیه, پاکستان, الجزایر, اندونزیا و ایران نینگ کوپنهاگن ایلچی خانه لری آلدیده قرآن کریم نی یاقدی. 

اسلام گه قرشی شعار لر بیریلگن اوشبو تحریک ایتووچی اقدام پولیس همراه لیگیده قیلیندی.

فیسبوک, اوشبو گروپ نینگ اجتماعی ترماق آرقه لی ایریم پیام لرینی چیکلب قوییگن ایدی.

اوشبو گروپ, سونگّی ایکّی هفته ده, 4- آگستده تورکیه, عراق, مصر, سعودی عربستان و ایران نینگ, 7- آگست کونی ایسه تورکیه, پاکستان, الجزایر, اندونزیا و ایران نینگ کوپنهاگن ایلچی خانه لری آلدیده قرآن کریم نی یاققن ایدی. 

مذکور گروپ نینگ اوشبو حرکت لری مسلمان لرنینگ عکس العملی گه دوچ کیلیب قالگن ایدی. 

تحریک ایتووچی حرکت لر 8- آگست کونی تورکیه, الجزایر, پاکستان, اندونزیا و ایران نینگ کوپنهاگن ایلچی خانه لری آلدیده دوام ایتگن ایدی. 

سویدن و دنمارکده سونگّی پیتلرده قرآن کریم گه قرشی حرمتسیزلیک حرکت لری آرتیب کیترایکن, تورکیه و باشقه کوپلب اولکه لر اوشبو حرکت لرنینگ پولیس همراه لیگیده و مسئول مقام لرنینگ اجازتی بیلن قیلینگن لیگی گه عکس العمل کورستگن ایدی.