بیش نفر تورک حربی سی شهید بولدی

عراق نینگ شمالیده گی پنجه- قفل عملیاتی منطقه سیده, بولووچی ترور تشکیلاتی پ.ک.ک منسوب لری نینگ اوق اوزیشی عاقبتیده 5 نفر تورک حربی سی شهید بولدی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, ترورچی لر تامانیدن اوق اوزیلیشی عاقبتیده, فاتح آلتینباش و کمال اوزیک اسم لری گه ایگه ایکّی تورک حربی سی نینگ شهید بولگن لیگی و 3 حربی نینگ ایسه یره لنگن لیگی بیلدیریلدی.

یره لنگن حربی لرنینگ زودلیک بیلن کسلخانه گه آلیب باریلگن لیک لری بیلدیریلگن بیاناتده, اوغور اوزدیمیر, محمود اوچداغ و اوزکان لاله ناملی اوشبو اوچ حربی نینگ کسلخانه ده شهید بولگن لیک لری معلوم قیلیندی. 

منطقه ده عملیات لرنینگ دوام ایته یاتگن لیگی بیلدیریلگن بیاناتده, حیاتینی یوقاتگن حربی لر گه الله تعالی دن رحمت, عایله لری, تورکیه قوراللی کوچلری و اصیل تورک ملتی گه قیغوداشلیک بیلدیریلیب صبر تیلندی.