گرجستان ده گی ییر سیلجیشی حادثه سیده اولگنلر سانی 21 گه ییتدی

گرجستان نینگ تعطیل منطقه سی بولمیش شوویده اوتگن هفته یوزبیرگن ییر سیلجیشی عاقبتیده حیاتینی یوقاتگنلر سانی 21 گه ییتدی.

تاغلیک بیر ساحه ده اورین آلگن شوویده 3 اگستده یوزبیرگن ییر سیلجیشی نینگ آرتیدن باشله تیلگن قیدیروو و قوتقروو اورونیشلری 7 – کونیده هم دوام ایتماقده.

گرجستان عاجل وضعیتلر باشقرووی باشلیغی تیمور میگبریشویلی قیدیروو و قوتقروو فعالیتلری نینگ 9 ایریم نقطه ده آلیب باریلگن لیگینی بیلدیردی.

بوگون 2 ته جسدنینگ چیقریلگن لیگینی شونده ی بولیب 12 کیشیدن حلی خبر یوقلیگینی قید ایتدی.

میگبریشویلی " بوگونگچه 2 ته جسد چیقریلدی. شونده ی بولیب 12 کیشی نینگ تاپیلیشی اوچون اورونیشلر دوام ایتماقده." دیدی.

ییر سیلجیشی طفیلی قریب 30 جریبلیک بیر ساحه ده قیدیروو و قوتقروو اورونیشلری فعالیتلریده ایچکی ایشلر و مدافعه وزیرلیکلری گروهی تیک اوچر و هیداوچیسیز هوا واسطه لری درونلر، تربیه لنگن ایتلر و 100 اطرافیده ایش ماشینلری اورین آلماقده.