پولند بلاروس چیگره سیده گی حربی لری سانی نی آرتیره دی

پولند, بلاروس چیگره سیده گی عسکرلری سانی نی آرتیره دی و منطقه گه اوروش هلیکوپترلری داخل قوشیمچه حربی امکانیت لر یوباره دی. 

پولند مدافعه وزیرلیگی تامانیدن بیریلگن یازمه بیاناتده, یوقاری مرتبه لی حربی مسئول لرنینگ چیگره قوشنی سی بلاروس بیلن علاقه لی بیر ییغیلیش اوتکزگن لیک لری بیلدیریلدی. 

توناون چیگره یقینیده ایکّی بلاروس هلیکوپتری نینگ پولند هوا ساحه سی نی اخلال قیلگن لیگی بیلدیریلگن بیاناتده, "بلاروس تامانی آلدین پولند طرفی گه تعلیم بوییچه معلومات بیرگن ایدی.  چیگره دن اوتیش, بیالوویزا منطقه سیده, رادار سیستم لری تامانیدن انیقله نیشی نی قیین لشتیره دیگن پس بیر ارتفاع ده بولدی" دییه قید ایتیلدی. 

بیاناتده, اوشبو حادثه بوییچه ناتو گه معلومات بیریلگن لیگی بیلدیریلدی. 

"مدافعه وزیری ماریوش بلاشاک, چیگره ده گی عسکر لر سانی نینگ آرتیریلیشی و منطقه گه اوروش هلیکوپترلری داخل قوشیمچه حربی امکانیت یوباریلیشی بوییچه بویروق بیردی" دییه قید ایتیلگن بیاناتده, بلاروس شارژدافیری نینگ اوشبو حادثه نی یاریتیب بیریش اوچون پولند تشقی ایشلر وزیرلیگی گه چقیریلیش گه قرار قیلینگن لیگی معلوم قیلیندی.